Libya: News and Views      LibyaNet.Com      Libyan music      Libya: Our Home

send

الثلاثاء 28 اكتوبر 2008

previous letter                 next letter                 list of all letters

يا عاشور نصر الورفلى كلامك دفنقى

أنا أريد أن أسألك ياأخ عاشور أنت واعى وأنت تكتب فى المقال والله لا, لأن المكتوب فى المقال كلام دفنقى لأنى أنا عايش فى ليبيا وشايف كل حاجة على حقيقتها الكلام اللى أتقول فيه فى وادى ونحن عايشين فى وادى أخر, شكله بعد سجنوك مشوك على الخط, ياراجل حرام عليك وين سلطة الشعب والنظرية التى تحكى عليها وتجيب فى عدر للقدافى المجرم اللى دمر البلاد ونهب خيراتها هو وعائلته وتقول أنه مسكين مش عارف شى وماعنده علم بشى واللى عارفه هالمجرم والله مو عارفه واحد فى ليبيا دايرها كيف أشكارة الفيران كل يوم ايهز فيها الله أيهز اعظامة اللى قريب أيبيدن يوم 10000 دولار لكل عائلة ويوم قروض ويوم ثروة وحالياً الراجل عقله خدا وعطا ويبى يلغى كل الوزارات والأدارات ويخليها غابة والبلاد من يوم ماجانا وهى فوضى ويستر الله فى الباقى ونطلب من الله العزيز أيفرج علينا من هالطاغية والله أنكن مسكين ياورفلى وربى يلطف بحالك ويشفيك. قالك سلطة شعبية ونظرية. ياراجل والله مايقدر واحد أيديرأى حاجة كانت صغيرة أو كبيرة فى هالبلاد حتى أولاده نين يفتى فيها هو. مسكين ياعشور الورفلى شوره فى الحبس واكل طريحه نين قعدت أتهترس.

ليبى حر


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home