Libya: News and Views      LibyaNet.Com      Libyan music      Libya: Our Home

send

الأحد 28 ديسمبر 2008

previous letter                 next letter                 list of all letters

أمنا الجباليّة في مواجهة حجارة الهمج

أنظروا الى الحجارة المرمية قي فناء البيت,
إنها حجارة نظام الهمج الحاكم في ليبيا تنهال
على حُرمة بيوت الليبيات في مدينة يفرن
,,,

الله يعزك يا أمنا الجباليّة
لقد سبق و إن حزنت أختك البنغازية عندما قتلوا أبنها
و لقد سبق و إن حزنت أختك الورفلية عندما هدموا البيت على رأسها
و لقد سبق و أن حزنت أختك الشاعرة
فاطمة بن عثمان الهونية التي شنقوا أهلها فقالت :

خرابين يا وطن ما فيك حد ... ؤ حزنك أمْجد ... ؤ ما من حكم فيك غير اللمد
ها المشنقة ما هفت من ولد
تحلف هلالي
ولا خلّـــفت زول اللي ما يشالي
...
خرابين يا وطن ما فيك باقي ... يجلّي نكادي ... ويبيّض القلب بعد السوادي
ندهتكم يا مشايخ بلادي
تجوا عند بالي
في يوم حامي عليهم يكالي
...
خرابين يا وطن ما فيك عيله ... عدّوا جزيله ... ولا زول بمواجعي نشتكيله
لي جوف يا ناس مثل الفتيلة
سامر ليالي
ويارب ندهتك عليك اتكالي
...
خرابين يا وطن ما طاف ضيّه ... خرب بالسويّة ... وراحوا مظاليم من غير سيّه
ندهت يا رب يا هاشمية
اتجيب الغوالي
في يوم مبروك يخلص سوالي

تراب ليبيا

previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home