Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ردى عـلى الليبيين فقط وليس الكنديين

ردى على الليبيين فقط وليس الكنديين لان الكنديين لايهمونى ولا يهمهم الموضوع الى بنتكلم عليه فبما انك كندى ياكندى المفروض الموضوع لا يهمك ولا تعطيه اى اهميه وبماانك ياسيد ياليبى يا كندى فتحت هدا الموضوع فاخد عندك.
هدة هى الزمرة الكادبة التى تختلق القصص والاحدات التى ليس لها علاقة بالحقيقة لا من قريب ولا من بعيد السيد الليبى الكندى هدا ادعى ان منحته قطعت عليه وهدا عين الافتراء والكدب ليش لان من تاريخ 1982 الى تاريخنا هدا لم يصدر من مكتب اشراف الطلبة ايقاف اى منحة على اى طالب الا ادا تجاوز المدة المخصصة له بمعنى ياسيد ياليبى ياكندى مدة دراسة الماجستير المفروض ما تخدش خمسة سنين وفى بعض الاحيان ستة المفروض لا تتجاوز عن السنتين ولكن اهو انقولوا احنا اندلعوا فى طلبنا باربعة سنوات وستة اشهر .
ياليبى ياكندى او ياكندى ياليبى المدة راهى زى مايقولوا(ام اها !! فيها شوية كدب ) وانك عانيت بسبب ايقاف المنحة لو كان هدا فعلا صار معنتها لما قدمت فى الهجرة والجمعة ورقولك اها هدا الى صار صح وبعدين تشحورت انصدق الكلام هدا لكن تاليف القصص هدا الناس كلها تقدر اتالف وخاصة الكنديين امتالك .يعنى انك كنت تبها حمرة وجراية وماتاكلش فى الشعير وتبى تغرف من هنا ومن غادى تسحاب روحك تبى تخدمها صح منها قاعد طالب ومنها تستنى لين يطلعوا الاوراق الكندية ياكندى ويادار مادخلك شر وبعدين اضرب الليبين تيرووو اه والا انا انسيت انك كندى (قاعد اتعيط ياقتوس).
وبعدين انك عانيت فى كندا وخديت قرض وبعدين اشتغلت ياودى (حتى هده اما ها)على قولت الباقندة كانش شغلوك فى شاورما او فى توصيل البتزا او ترسو عليك اللبنانيين زى هلبة كندين زيك هدة انصدقها اما غيرها فالا .
ويا كندى لما تحاول اتصلح الاخطاء الاملائية امتع اسيادك الليبين تكتب بالعربى المكسر وانك كندى وتكتب باللغة الى خديت بها الماجستير وقلت انك خدمت زى ما يكدب كل واحد راهو كتابتك فى شن تبى تقصد غلط لانها ما تنكتبش هكى يالكندى

Landing is not correct, so to make a long story short you should have said Landed immigrant or i have applied for landing process to obtain landed. Not I have got landing!!. It does not make any sense at all.
اهو ياكندى كل يوم نتعلم شى جديد منك لانك زى ما قلت كندى.ا حنا رانا ليبين انخبطوا شوية فى اللغة الى خديت بها المنجستير امتاعك يالكندى (قصدت كتابتها هكى) ولكن ما يفوتش علينا واحد زيك الكاراطون.
لليبيين فقط مش الكنديين.

عـلى سالم الحاسى
الليبى مش الكندى


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home