Libya: News and Views      LibyaNet.Com      Libyan music      Libya: Our Home

send

الأحد 26 اكتوبر 2008

previous letter                 next letter                 list of all letters

إلى المشرف الطلابى بماليزيا الدكتور عبد القادر الثني

يادكتور ننصحك نصيحة إنشاء الله تقبلها لابد أن تساوى بين الطلاب وكل واحد عطيه حقه بدون مفاضلة مش معنا إن المراقب المالى خلاك مدير واللى أنت أتوقع عليه يصرفه هو ومايصرفش أى مبلغ إلا بعد توقيعك معناه إنك اللى يعجبك أتوقع له واللى مايعجبك أتقوله بره روح هدا معناه بداية ضياعك ولابد تنتبه له لأن المراقب المالى بهده الطريقة يبى أيورطك ويطلع منها هو. فى الحقيقة انتم الزوز عارفين بعضكم هلبه لأ نكم كنتو الزوز تدرسو فى ماليزيا. فعليه يادكتور نبوك عادل ومتفضلش حد على حد لإن سمعنا أن فى بعض الطلبة أصاحبك أنت والمراقب المالى وتعطو فيهم الأولوية فى كل حاجة على حساب الغلابة وهدا مايرضيش الله سبحانه وتعالى وأنت من شكلك راجل طيب ولكن المنصب والفلوس أغيرن الأنسان من طيب الى شرير ويبدى أيعامل فى الناس فى أسؤ معامله وأنت يادكتور مازلت تجرى كيف جاى وأيبدن الخيوط عندك تلخبطن وخايف عليك من السكر والضغط هدا كان ما عندكش من قبل وتبى الحقيقة هالمنصب واعر عليك لأنك ماتعرفش أتنظم نفسك داخل المكتب وتبى كل حاجة أديرها بروحك وما فيش ناس معاك يساعدوك وأصبح المكتب الشعبى كل أثنين وخميس كيف الجمعية الأستهلاكية زمان اللى جايها دجاج وأصبح المكتب الشعبى منظره سيء وحتى الأخوه الماليزيين وأصاب التاكسى يسئلو فينا على الدوشه اللى فى المكتب أتقول مافيهاش سفير وتبى الحق وين السفير, جايبين ها العيل اللى موعارف حتى حاجة لالغة ولاحديث كيف جابوه بس من قلت المتعلمين فى البلاد حسبى الله ونعم الوكيل. المهم يادكتو أنا قاعد بالمرصاد لكل واحد يتلاعب بمصيرنا كطلاب ومستحقاتنا وما تلعبوش علينا وأتقول ما فيش افلوس لأن الفلوس اللى فى ليبيا أيغطن ماليزيا كلها, أنتم عطونا مستحقاتنا ومانبوش حاجة زايده ونحن أنخلوكم فى حالكم وأزيطو فيها, وللحديث بقية.

طالب من ماليزيا/ كوالالمبور


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home