Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

عرس الزين

- شنومازال ماكتبش ربي ..
- إن شاءلله .. إن شاء الله ..
- والله الباين السنارة علقت...
- ترى قعمز بحداي وفرحنا ..
- يا جماعة خلونا نسمعوا...
- تي غير احكي يا راجل ...
- ايه .. ايه صح ماحدش براني...
- ترى انت اللى واقف جهزنا طويسة مربربة ..
- حاضر حاضر يا جماعة لكن استنوني ...
- أنت .. أنت سكر التلفزيون ...
- هاه .. يا بوتمام .. شنو صار ...
- والله يا جماعة أول ما شفتها ...
- ايــــه العين وما تعشق ...
- سبحان الله وكأني نعرفها من زمان ...
- يا الله .. زيــد .. زيـــد متعنا ...
- والله الباين اللعب بدي صــح ...
- يا ناس أرجوكم ما تقاطعوشي ...
- والله أخيك أبوتمــام ...
- ايه ... ايـــه ...
- تبي الحق ... هي وبــس ...
- باهي ... وشنو جو العائلــة ...
- يا سيدي وكان عالبــوو ...
- بوها حتى أني نعرفــه ...
- أمها قالت لازم نسألوا ...

- تعرف .. أني اللى عجبني .. خوتها ...
- يا ماشاءالله .. إن شاء الله كل شيء بالبركــة ...
- والله يا بوتمام .. فرحتك هي فرحتنــا ...
- صح لازم تضرب الحديد وهو حامــي ...
- كيف يا راجل ماهو لازم عندهم شروط ...
- شرطهــم واحــد ...
- إن شاءلله غير ساهل يا سلطان ...
- بوها عنده شركة تنظيف ...
- وشنو هي المشكلة يعني ...
- يبيني نأخذ دورة ونخدم معــاه ..

عبدالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home