Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

معليش احنا منتبهدل

بعد بلغاريا ومصر الجزائر تفتح ملف سجنائها فى السجون الجحيم الليبية .

تناست الصحاقة فى الجزائر الشقيق هموم اكتر من 30مليون جزائرى من الارهاب والقتل والمشاكل الاقتصادية والبطالة وتتدكرو 100 سجين متهم فى السجون الليبية فى عدة جرائم ومنها القتل العمد!! وطالبوا فورا اطلاق سراحهم!!!

الاخوة فى الجزائر لم تعجبهم السجون الليبية ووصفوها بالجحيم والمستشفيات الليبية بالمؤزرية وحتى الشراكة الليبية بالخاسرة وعديمة المصداقية ودون المستوى!!!

و كان رد اللجنة الشعبية العامة بدخول الاخوة الجزائرين بلاد الجحيم بدون قيود واطلاق سراح المساجين وربما حتى التعويض ! وطز فى القضاء الليبي!!!!

"سمعنا اليوم فى الاخبار ان الموضوع فى تسوية اوضاع فقط او تبادل المساجين بعد توقيع اتفاقية التبادل" توة هدا كلام" الجزئر الباب فى الباب معندناش معاها اتفاقية تبادل وجماعة وراء البحر عندنا معاهم" .

"طبعا الخبر كان فى الصحف والتلفزيون الجزائرى, اما جماعتنا واعلامهم خارج التغطية" .

لانريد ان نتكلم عن الجزائر وشينوا فى الجزائر ولا نريد ان نقول " الجمل لايرى اعوج رقبتة" ولكن من حقى كمواطن ليبي يعالج فى المستشفيات المؤزرية وفلوسة ماشية فى شراكة خاسرة ان اقول كفاية استهتار بينا وتجريح من كال من هب ودب!! كان ممكن من اللجان الشعبية العامة واللجان الثورية حامية البلاد كما يقولون ان يردو عليهم من خلال اعلامهم من التوقف فى الاستهتار بليبيا والقضاء الليبي "واللة هما فالحين على المواطن الليبي بس" او حتى هما مشعاجبهم القضاء الليبي!!!!!!!!!!!!

طبعا من حق الجزائر ومن واجب الجزائر متابعة ابنائها فى الخارج والدفاع عنهم حتى ولوكانوا مجرمين, لانهم فى النهاية مواطنين جزائرين! ولكن لايكون على حساب الاخرين والتجريح بيهم وهضم حقوقهم! .

وين حق المواطن الليبي الضحية وحق المجتمع او كلمة مواطن مهناش فى قاموس اللجنة الشعبية العامة!

طبعا لايمكن ان تكون موجودة كلمة "مواطن" و"المجتمع" فى قاموس المسؤلين لانهم ببساطة هم من اهانو المواطن الليبي وضيعوا المجتمع بقرارتهم وافعالهم التى فصلت لاشباع رغباتهم ومصالحهم الشخصية اولا! وبعدددددددين المواطن والمجتمع!!!

بالليبي

مردوش عليهم احسن, اصلا شنو بيقولوهم كلامكم ماهناش منا! مستحيل!! هما عارفين كويس كلام الجزائرية صح و100 صح ا لمستشفيات زريبة!! قالك حتى الفيران والزقريلو معاش قدر يعيش فيها خوفا من الجراتيم والفيروسات والبيكتريا!! وان شاء اللة مايقدموش دعوة قضائية فى جمعية حقوق الفيْران و الزيقرلو على ليبيا ويطلبوا تعويض!!" شينو ضحايا لوكربى احسن منهم واللة شينو" من حقهم طبعا!!!

فى الختام

لو كل متهم اجنبي فى ليبيا برئ ومسكين والقضاء الليبي لعب صغار !! حتى المساجين الليبين من حقهم ان تفرجوا عليهم و تسوية اوضاعهم او " سجنائهم فى الجنة وسجنائنا فى النار" .

وينك ياليبيا الغد رانا تبهدلنا من كل هب ودب!!!!

تحياتى

الخمسى


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home