Libya: News and Views      LibyaNet.Com      Libyan music      Libya: Our Home

send

الأربعاء 24 ديسمبر 2008

previous letter                 next letter                 list of all letters

طالب تعبان بين ايرلندا والمكتب الشعبي في لندن

أنا طالب في الساحة البريطانية وبالضبط في ايرلندا أود أن ألفت انتباهكم وانتباه جميع المسؤولين في ليبيا :

وزوجتي متحصلة على بكالوريس في الطب البشري وتريد أن تكمل دراستها في الماجستير وفي يوم قررت الذهاب للمكتب الثقافي في لندن ولبعد المسافة لأن المكتب الثقافي في لندن وأنا في ايرلندا فركبت الطائرة وخسرت المال وذهبت والفاجعة الكبرى والتي تحز في النفس وانك ذاهب شخصيا لتقضي حاجتك بنفسك ترى وكأنك داخل لجهة أمنية تجلس وتنتظر فلا يرد عليك أحد وبعض الأحيان ترى أحد تحاول أن تكلمة فيرد عليك باللهجة العامية ( قعمز غادي وتوا أنجوك وباهي خيرك مستعجل مش قنالك توا أنجوك أنت تفهم ولا لا ) بينما هم فاتحين لقني وهدرزة وتكلم في أي واحد كأنك تكلم في شخص من ملة أخري لا يعيرك إي اهتمام ويأخذ ويطنش علينا يحسابنا في حوش بوه مايحسابش أننا في بيتنا السفارة اللي أسستها ثورة الفاتح من أجل خدمة الطلبة الليبيين بالساحة البريطانية وتدليل الصعوبات أمامهم مانا أيمن الحاضر لو تبي تقابله كأنك تبي تقابل ملكة بريطانيا ولو تبي تقابل سعد مناع كأنك تبي تقابل الرئيس الأمريكي منا ياسين أبو شعراية لو تبي تقابله قدم طلب وتقريبا يعرض عليه في سنة 2011 وباش تحصل موافقة لمقابلته 2020 زعما يدوموا هؤلاء الجهال اللذين يشوهون ثورة الفاتح ومعمر القذافي في الساحة البريطانية زعما قولولي أنتم شنوا رايكم يقعدوا ولا يتنحو ويجوا ناس في أماكنهم خلوقة وتدخل المكتب وتقابله بكل سهولة وتقضي حاجتك منهم .

......ونرجع شنوا قالولي في المكتب هذا الكلام من الموظف الذي يقدم في القهوة قالي أحني منقدروش نبعثوا أوراق زوجتك لإدارة البعثات بفبول اللغة والقبول الأكاديمي بس أني نبي نعرف هل هذا نازل فيه منشور من التعليم العالي ميبعتوش أوراق اللغة تشنوا هذه المهزلة وتقعد في الأخير تأخذ معلوماتك من ( قهوادجي ) توين سيف الأسلام راعي ليبيا وراعي الشباب في ليبيا الغد وين كافة المسؤولين يجوا ويشبحو هالفروخ اللي فالقين المكتب ومدايرين ما يبوا من سرقة أموال الطلبة وأنا مسؤول على كلامي المنحة الخاصة بالكتب لطلبة الماجستير تمنح مرتين للطالب عصابة المكتب يعطوا فيها مرة للطالب والمرة الثانية في جيب ياسين أبو شعراية المراقب المالي وأيمن الحاضر أمين الشؤون الأدارية والمالية بقسم الشؤون الثقافية وسعد مناع رئيس قسم الشؤون الثقافية ولو أنك مشيتلهم وقلتلهم أكتبولي ورقة بأن منحة الكتب لطالب الماجستير تمنح مرة واحد فقط يخافوا ويقولولك توا أنزلوهالك اللي يدير هكي يعطوهاله واللي ميديرش هكي تمشي في بطونهم وبطون صغارهم عايشين في الحرام .

وفي النهاية قالولي لو أنك تبي أي إستفسار تعالا غدوة يحسابني جارهم مايحسابش أني واخذ طيارة والليلة في لندن تكلف هداك الحساب وأسرتي قاعدة وحدها الخزي والعار على رجال مثل هؤلاء يمثلون ليبيا وهم دائما يشوهون الثورة والقائد وسيف الإسلام .

هذه الرسالة موجهة إلى الأخ القائد معمر القذافي .

والأخ سيف الإسلام راعي شباب ليبيا من أجل ليبيا الغد.

أمين اللجنة الشعبية العامة للتعليم العالي.

وأمين اللجنة الشعبية العامة.

طالب


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home