Libya: News and Views      LibyaNet.Com      Libyan music      Libya: Our Home

send

الخميس 23 اكتوبر 2008

previous letter                 next letter                 list of all letters

لو حبيتم تعـرفوا حاجة عـلى جمال الحاجي

السلام عليكم
لو حبيتم تعرفوا حاجة على جمال الحاجي فاخر من تكلم معاه هو صاحب محل الإنترنت يلي راقبوا جمال وضبطوه فيه لانه هو الوحيد شاهد على انه في السجن لانهم شدوهم مع بعض .
وللاسف إنتم اهتميتم بجمال الحاجي و متكلمتوش على صاحب المحل إلي مباش يعاون الامن ضد جمال وعلى فكرة محل الإنترنت هذا سكروه وخلوا صاحبه من غير خدمة عقابا لصاحبه وهو صاحب اسرة لانهم مقدروش ياخذوا منه اى معلومة على جمال وحسب ما سمعت انه هو رفض التعاون معاهم لكن هم معندهمش دليل عليه .
انا منقللش من مكانت الاستاد جمال لاني قريتله مقالات وبصراحه اسلوبه عجبني هلبة لكن في ناس حتى هم خلف الكواليس كان ليهم مواقف مشرفة زي صاحب المحل وعلى فكرة داخل الحبس كان ليه مواقف تنحسبله.
على فكرة هذه المعلومات من مصدر موثوق يلي هو صديق لي من الامن كان موجود في المكان الي اعتقلوا فيه الاستاد جمال وصاحب المحل وعلى حسب ما قالي هو مهندس تقريبا .
فياريت تعطوا الناس حقها وتوقفوا مع يلي يوقف معكم اذا كان يهمكم مصلحة الليبيين وتبوا تساعدوهم .
وفي النهاية كلامي واضح الاستاد جمال محبوس وفي شاهد واحد عليه . وشكرا .

ابن الاسلام


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home