Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

الى فوزي العرفية

يافوزي ايه الحركات البايخة اللي تعمل فيها. اهتم بنفسك وانصحك تشوفلك طبيب نفساني لأنك فعلا انت مريض وعندك انفصام في الشخصية. ياجبان متخبي تحت اسم الدكتور جمعة جمعة وتارك مؤخرتك تعبر على اللي في دماغك وفاكر بأن الناس اغبياء مثلك وما يعرفوش طروحك. اسمعني كويس ياراس اللحم انقولك كليمتين .
اذا هناك من نعمة في وجودك بلوزان فهي حفظ الشعب الليبي من شرك. انت المفروض انك دارس القانون والحقوق ، ايه هو الحق او القانون او الصح اللي يخليك تتهجم على ناس تشردوا وقاسوا في محاربة الظالم من امثال مفتاح لملوم/ عبدالحفيظ بن سريتي/جمعة القماطي/ حسن الامين/ الدكتور محمد يوسف المقريف. حتى زميل مهنتك المحامي الشارف الغرياني ايضا لم يسلم من شرك لأنك كتبت مقالة بديئة وتهجمت عليه تحت اسم مستعار ياجبان. الدليل انك مريض وعندك عقد لا اول لها ولا آخر تكتب في رسائل باسم مستعار وتشكر فيها نفسك وآخرها الرسالة اللي كتبتها باسم مستعار وتشكر فيها اقتراحك بعمل قائمة سوداء تحمل اسماء اعداء الشعب الليبي. المفروض اول اسم ينزل في هالقائمة هو اسمك فوزي العرفية لأنك فعلا أنت عدو الشعب الليبي.
أغلب الرسائل اللي تطعن في المعارضة واللي تنشر في قسم الرسائل جاية منك وتحساب الناس مش عارفة اسلوبك في الكتابة والمفردات المستعملة وطريقة تركيب الجملة ومحتوى الفكرة. هذه كلها ياغبي يمكن بسهولة اكتشافها زي اكتشاف تزوير خط الأيد. وبعدين الظاهر عندك عقدة الدكتوراه . امشي لبولندا واشريها زي ما يشروا فيها وزراء القذافي وخلصنا ( سعرها 6 ألاف يورو لا غير/ برفسور سعره 11 ألف يورو). في احويجة ثانية ياعرفية انت تستعمل في اسم مستعار اخر وهو عيسى بنقا. اللي يعرفوك كويس من عساكر سوسة بنغازي القدم قالولي ان بنقا كان في الخمسينات والستينات مشهور في بنغازي بتصنيع البوخا وانت كنت من احسن زباينه. الظاهر البوخا طايرتلك عقلك وخلايا ادماغك انقرضت واصبح عندنا كوم من التبن اسمه فوزي العرفية او الدكتور جمعة جمعة او عيسى بنقا.
الكلمة الأخيرة للأخوة في المعارضة / انتم فعلا تعتبروا في فوزي العرفية انسان اهبل ومش معبرينه ولا عاطيينه قيمة وتنكتوا عليه وعاملينه مضحكة لكن تأكدوا بأن اغلب الرسائل اللي تطعن في شخصيات المعارضة جاية من فوزي العرفية . حتى تتاكدوا من هالكلام عليكم بأخد عينات من مقالات فوزي العرفية وبعض رسائل الطعن في المعارضة وتحليلها بالنسبة للمفردات وطريقة التعبير والفكرة وبناء الجملة . بعد ذلك ستظهر ليكم بصمة فوزي العرفية واضحة مثل وضوح الشمس. لهذا يافوزي بطل لعب العيال ودور على طبيب نفساني في لوزان واركح او لما تتهجم على المعارضة كن رجل مرة في حياتك واكتب باسمك الصحيح ياصحيح الوجه.

م. ط.


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home