Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

كل طالب تبعثه الحكومة المفروض يرجع لليبيا مش ايقدم فى هجرة

ويقعمز هدا كلام فاضى ومش صح يعنى اتوقع اوراق وتتعهد بخدمة بلادك مش تقعمز فى كندا والله اغلبكم ياطلبة تفكرو بالطريقة هدة وتعتقدو ان البلاد غافلة عليكم والله انشوف فى يوم ليبيا تطلب منكم ترجيع الفلوس الى صرفتها عليكم وهدا حق لانها مثل السرقة والا ترجع لليبيا وتشتغل حسب المدة الى صرفت فيها البلاد عليك وهدا هو الصح طايحين فى الراجل امتع السفارة وتقرموا فيه وانتم كلكم غلط فى غلط وانا عارف كل واحد مقدم اوراقه للهجرة من الطلبة ويستنى الراجل مازال ما دار شى لكن المفروض وكان انا فى مكانه نوصل المعلومه للبلاد وبعدين ديروا الى تبوه .
اقل واحد فيكم قاعد فى كندا خمسة سنوات وبعدين يبى يقعمز ويقدم فى الهجرة تبو كل شى مش امخليين لا اخضر ولا يابس ونازلين فى الراجل كيف يدير هكى خلينا واقعيين كنكم تبو تقعدو فى كندا بعدماتكمل الدراسة لازم تدفع المصاريف الى دفعتها عليك البلاد وبعدين اقعد فى كندا ولا برى المريخ.
.... وهدا حاتشوفوه قرار انشالله فى القريب العاجل ومش مشكلة خلى الى يبى يهاجر يهاجر لكن الحق حق .
ملاحضة والله كل واحد مقدم على الهجرة معروف وعندى اكثر من اربعين طالب منهم اطباء الى صرفت عليهم البلاد يعلم الله مقدمين فى الهجرة واساميهم حاتنبعت للبلاد بيش يشوفوا حل مع المصاريف الى قاعدة تطلع من دم الليبيين وبعدين كلهم قعمزو فى كندا.
روحوا درتوا العار ياطلبة كندا وحشمتونا قاعدين عاطلين اغلبكم قاعدين لاخدمة ولا كدب وبعد يروح للبلاد يكدب ويقول اشتغلت فى واشتغلت مع وهو قاعد يدور من مكان لمكان منهم اطباء الى صرفت عليهم البلاد يعلم الله من اجل ليبيا الغد .

على الحاسى


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home