Libya: News and Views      LibyaNet.Com      Libyan music      Libya: Our Home

send

الثلاثاء 21 اكتوبر 2008

previous letter                 next letter                 list of all letters

هاتوا الدرابيك يا جماعة

قالك ...العشة يبي يدير خيمة للمعارضة...
قلنا ...علاش ؟
قالك... مفيش حد احسن من حد
قلنا..منو الحد الاول والحد الثاني؟
قالك.. الحد الأول القايد الاول
والحد الثاني القايد الثاني!
قلنا...قداش من القادة ؟
قالك.. هذا قدر الليبيين!
قلنا... المهم الشرعية..من هو اللي شرعي فيهم؟!
قالك ... الأول واخذ شرعيته من الثورة ...والثاني واخذ شرعيته من المعارضة؟!
قلنا... المعارضة والثورة الاثنين حاجة زايدة على الواقع... المهم من يملك الشرعية الدستورية ؟!
قلنا... افحمتك..آه... بلا خيم بلا درابيك وطارات..وموزيقا... غير لحن يا بلادي يا بلادي بجهادي وجلادي ... اسلمي .. اسلمي ... غير... حي ادريس سليل الفاتحين ..انه في ليبيا رمز الجهاد....
غير هذاك الشيباني وولي عهود ليبيا كلها باذن الله ما فيش... كله ادفنقي... كله زايد... المفروض على المعارضة ان تبطل من ها الطواجين... ياسرنا...اتملحنا... اللي عنده حس وطني واحترام للشرعية الدستورية ينضم الى الاعتصام اللي دعت إليه لجنة العمل الوطني على الساحة الأوروبية.. بس... فقط.. وكل شيء جاهز بإذن الله.... ولكن من غير درابيك !!!!

سـين


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home