Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

رد عـلى شريف كندا أي الرواب

أولا: ليس من العيب أن تكون شرطي ،حرس بلدي،.. و لكن العيب أن يتولى من ليس أهل لما أسند له... زد على ذلك عقد النقص المهلكة، وإلا كيف وصلت أنت إلى كندا بدون وساطة د.شكري ...تو بالله يا د.شكري عد براميلك وألهى في روحك ، بعثلنا طمطمة لا تنشم ولا تتكل ، وممكن كندا كان عندها عجز في الحرس البلدي فطلبت العون من شكري ، والله ما وصلنا إلي هاالفوضة إلا الوساطة الغير مثمرة، أحنا غير جيبولنا من يخدمنا و يا عمبو اللي يحسدكم ،لكن خلونا نوضح لإخوتنا هذا الشريف و جولاته المثقلة بالشرف. بالله شنو اللي تعمل فيه في كندا، ورينا وظيفتك بس ، وعلى أي أساس تم إرسالك إلى كندا وإلا ليبيا ما فيهاش أرجال عندهم ماجستير و دكتوراه في الإدارة،... وأنت قاعد تقرأ أ، ب.. في الألجونكن، وإلا كانش كندا ناقصها شرف …ومن المؤلم أن هناك طالب ليبي ـ مش شريف ـ عدم المواخذة في حق خونا الطالب ، على شان أقري أولاده بالمدرسة وهم ثلاثة ولعدم استجابة الأفندي ورده علي المدرسة بيش إغطي تكاليف الدراسة مما إضطر أخينا الطالب لدفع الرسوم الدراسية لمدة سنة كاملة ،أي ما يقارب علي 12000 دولار ، كان الله في عونه مسكين ، وين ما يمشي ويتحدث الأفندي أنا والله ماني دافعهن ، شني تصرف علي الطلبة من حوشك ، وتو هالكلام إصير منا ، تو الطالب قديش بفكر في حاجة ، مسداش مشاكل دراسته والفواتير المركونة في المكتب لمدة قد تصل إلي مايقارب السنة ، والله رسوم التسجيل في الجامعات ما فعوها إلا الطلبة وجابوا فواتيرها باش تركنهن حتى هن ، تو رسوم الدراسة وما يترتب عليها من يدفعها بالله ، شنو راكن الشغل وتدهور أحنى عارفينك والله ما فاهم فيها حاجة وجاي لكندا تبويز ، لكن برا بعيد علينا وعلي دراستنا ، و الفلوس تصرف فيهن علي الشرفاء تبعك علي شان تم الولادة في كندا وياخذوا الجنسية والطالب يدفع من جيبه وإرراجي في 6 أسابيع بيش يدفعوله التأمين فلوسه وتوصل مرات لعند1000 دولار, و عاطيينا 1500 دولار لسنون في السنة أو ما فيش تركيبات.. تو اللي تنكسرسنه يسلف سن ولاشنو.وأنتم تصرفوا في عشرات الألاف من الدولارات علي أرواحكم والله ما في حاجة تخبى.. يا ريت الدولة تبعث لجنة تحقيق خليهم إشوفوا الهط علي أصوله ، وفي النهاية هوبينك او بين ربك لكن بيش تفسد علينا هادي عاد صقع عليك والله مانا ساكتين ، وتتكلم علي خوتنا الأطباء وتعدلهم في مرتباتهم وحنى نعرفوا المثل الشعبي أتريس تكسب و....تعد والعاقل يفهم ، وليش ماقريتش طب كانك تبي الفلوس وسهر الليل وإلا الكنديين تبهم يعطوهلك بلاش غير راجي بس او وتي تسدانك.
و في الختام وفق الله الجميع لما فيه مصلحة الوطن والمواطنين ، ونأمل من إخواننا المسئولين في ليبيا إلي النظر في المصلحة العليا للمجتمع واختيار أشخاص أكفاء لمثل هذه المهام مثل د.مصطفى الطويل وهو أهل لما أسند له.

طلبة ليبيون بكندا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home