Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

عـندك قرش..

ـ مشاكل الغربة تكبر يوم بعد يوم…
ـ هذا وين عرفت يا فالح…
ـ أحني كل يوم ندقوا في الحنك…
ـ ياراجل..ماهو نوسعوا في خاطرنا…
ـ تبي الحق..اللمة حلوة..لكن…
ـ ياجماعة خلونا نقولوا حاجة تنفع…
ـ في الغربة ما ينفعك الا جيبك…
ـ صح..عندك قرش تساوي قرش…
ـ إيه..إيه..على راى المصريين…
ـ أحني مازال ليبيين يابوصاحب…
ـ هضكاي..كان زمان…
ـ شوف..والله في ليبيا..وكان ما عندك…
ـ ياجماعة..أني سافرت وشفت…
ـ ما تقولليش الناس تغيرت بها السرعة…
ـ أسمع..أني نحكيلك قصة..صارتلي…
ـ اسكتولنا..ياجماعة…
-غادي..تركب سيارة..كلهم.."..خير…
ـ إيه..والله كلامه..صح…
ـ والله..تمشي كعابي مايعرفك واحد…
ـ والله..صدق حتى اني]صارلي…
-اسمع..القيم اللي انت تحكي عليها ماتت…
ـ خليه..اذكاي..مااقدمه…
-توى..خوك يلعبهالك…
ـ كيف..كيف..عجب!!!
ـ والله..حتى خوك مايرحمك…
ـ ايه..ايه..قصيت على كلامك…
ـ الوقت هذا "موني توكس"

عبالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home