Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

قـلـم حـرّ

ازالة لغرض التطوير

هل ياترى ستصل موجة الازالة والهدم الى أمريكا ؟ سؤال يحتاج الوقوف أمامه طويلا اذا ماعرفنا أن هناك مبان و" أشياء " رغم خطأ موقعها لا يمكن ازالتها !!
أنا أتحدث عن البوابة المؤدية إلى كرسي البيت الأبيض لقد كتب عليها : "ممنوع دخول النساء والسود" ، إن السيد أوباما والسيدة كلينتون الأم (على غرار بوش الإبن) في طريقيهما ون كنت أظن أوباما أوفر حظا، إلى كرسي البيت الأبيض , هل يا ترى سيذهب الأصفر إلى هناك "لا أقصد حسني شمبش" , هل سيذهب بلدوزر الازالة ويزيل تلك البوابة ؟ سؤال صعب جدا في ظل وجود حقيقة مسماها العنصرية ..
جمهوره شوية كله تشادية .. هذا جمهور الفحامة النصراوية
أهلي أهلي أهلي أهلييي أهلييي "بنغازي"
خطرها عالأهلي هل سيفوز النادي الأهلي "طرابلس" ببطولة الدوري أم أنها ستظل دائما سليطة ويفوز الإتحاد.

يا ريتها ما عـصّـدت

"وبدل أن يكمم وزراء الإعلام العرب أفواه الصحافيين العرب وقمع الإعلام العربي الشريف عليهم إيقاف هذا المسخ لا بل إدانته. لان نصف الحقيقة كذبة "
لازال رضا عيسى يكتب في قورينا مع احترامي للأسماء الكبيرة "الكبير الله" التي تكتب في هذه الصحيفة وما زال يعصّد "قل لي ماذا تعصّد أقل لك من أنت" ، كتب (في زمن انقرض فيه أي داع للضحك) ومقالاتك شن اتدير ؟؟ وكتب (يوقفنا أحيانا موقف)هل هو رجل مرور في حملة ! المرة الجاية اكتب "يستوقفنا" وبعدهاكتب(لم أجد فعلا غير الضحك) يعني الضحك عندك مفتعل ، معناها تقدر تفتعل حتى البكاء ؟؟؟ أنت صحفي ولا ممثل ! حدد يا باشا شن اللي يمشي معاك بالضبط. ثم كتبت بين قوسين (صار الغد وترا يحسن الكثيرون العزف عليه) العزف اجادة والمرة الجاية اكتب "يجيد الكثيرون العزف عليه" وبعدها كاتب (قبل أن أتهم بأني) تي انت مش متهم انت ثابتة ادانتك . وبعدها كاتب (ففي ليبيا القاحلة) حيها حيه حيها حيه مش قلتلك شوف روحك لما تنقل ، ليبيا مش قاحلة صحرائها اللي قاحلة ليبيا مش قاحلة بالعكس معبية نين شيشمتها اتكب برّة يا راس الـ..، شن انقولوله هذا ؟
وبعده الباشا كاتب (ثقافة العمل التطوعي المنقرضة في ليبيا) انت وين عايش انت وين عايش نازل فيها منقرضة منقرضة ! لعلمك يا باشا ياللي تكتب وخلاص رايح اتقول طه حسين " يجب أن نتبع أوربا ونقلدهم في كل شيء حتى احتساء الخمرة " تي هذا شني بالضبط وين وين ياعم انت ايه ده طيب ، وين وين وين الملايين الشعب العربي وين الغضب العربي وين ويين وين انسيت مؤسسة القذافي للتنمية والجمعيات الخيرية ( امنورر يا دكتور سيف ) واللي قاعدة اتديرفيه , وجمعية واعتصموا والمنظمة العالمية للسلم والإغاثة ( امنورر يا بشمهندس خالد ) وهذا كله ويقوللك منقرضة صحيح فعلا "اللي اختشوا ماتوا " .
وبعدها ايقول عزيزي الكاتب "على فكرة حتى السحارين يعتبروا كتاب" (لم تستوعب خلايا التفكير المنطقي وحتى اللا منطقي في عقلي الباطن والظاهر) يا بوعقلين انت ؟ايه الكلام الكبير ده ياعمنا انت والله مقالاتك رايحة زي ما اتقول خطب للسادات "اخرب بيته زي ما خرب بيتنا" أقصد حوشنا ؟
(الفكرة الجهنمية التي ظهرت بين ليلة وضحاها) يعني الأشخاص اللي في لجنة العمل التطوعي الشبابي شياطين والا مومسات أو قوادين أو أو أو "هؤلاء أهل جهنم" .
(قبل أن يتأكد القائمون على برنامج جيل الغد مدى كفاءة من يعول عليهم لمسيرة السنوات الـ10 وأي حصيلة لهذا البرنامج ليست أكثر من رمي الحجر في عرض البحر) (فانتظروا جيل الغد) يعني بعد الخطبة الطويلة العريضة مش حيصير شي من جيل الغد ولا شن تقصد بالضبط ؟؟ مالا عليش نبنو ليبيا الغد كان مافيش فايدة من جيل الغد خلاص انسكروها وكل واحد ايرووح لحوشهم ولا لا يا بشمهندس !
(وأن كاتب هذه السطور مدير الاعلام بأحد فروع اللجنة)
شن خليت فيها اللجنة سبيتها وفضحتها وعرّيتها وشككت فيها وفي مصداقيتها هذا كله عشان ما حصلتش "جهاز الحاسب الآلي" باهي مالا انت كان ايحطوك في الاعلام الخارجي وما يعطوكش سيارة شن تكتب ؟ شن تكتب ، اتفضح بمن ساعتها ! حيها حيه .. حيها حيه ، يا ريتها ماعصّدت ......قورينا .

مؤتمر صحفي

صحفي1 : الأستاز أوساما "زي أوباما" ايه رأيك في قزيية العيرة, والكلام الأخير اياه ؟

أوساما : والله أنا انقول عليه أن يستغفر الله.

صحفي2: يستغفروا على ايه بالززبط

أوساما : علّي عملوا في فتح غزات .

صحفي1: عمللوا ايه ؟

أوساما: كتب عليه مقالات وداتو السقن . وخلت الواد الفلال الي يشتغل معاه يبيع بيته عشان يأككل بناته مسكين ، في نفس الشارع اللي يسكن فيه سالم صبغة الواد بتاع الكشك اياه "البيت زاقب فيه ازقوب" طبعا ممكن تسألني ليه ما يعملش ده دلوقتي مع ناس زي حسني مي وصالح الأشعر والمنضوري وغيرهم .

صحفي3: وما يعملش كده تاني في مقالاته ليه ؟؟

أوساما: أسكت يا عم متوديناش في داهية أسكت أسكت ، مين قابوا هنا ! تبع مين الواد ده ؟

صحفي1: سمعنا انك بتألف كتاب جديد ، اسمو أيه الكتاب ده؟

أوساما : ( كيف تصبح قط سمين في عامين ).

صحفي2: وده آخر حاجة حتكتبها !!

أوساما : بالتأكيد لا

صحفي3: أممال حتكتب ايه بعدها ؟؟؟؟

أوساما : حكتب وصيتي ..

أسامة البرغـثي
صحفي حر
ليبيا
ofs7ib@ahoo.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home