Libya: News and Views      LibyaNet.Com      Libyan music      Libya: Our Home

send

الخميس 18 ديسمبر 2008

previous letter                 next letter                 list of all letters

جيل لا نعرف الماضي ولا نعرف المستقبل ونبكي على الحاضر

هذا انا من جيل السبعينات يعني من الجيل الذي سمع على الفرق في الحكم في عهد الملك ادريس ولكن عاش في حكم معمر .

طبعا بالنسبة لنا نحن كان عندنا مادة اسمها وعي سياسي ( الاصح تعتيم سياسي ) يعني كن نسمع كلام مدرس المادة وهو عادة من اللجان الثورية الذي كلامه منقول من خطابات معمر ( وماذادراك ما خطابات معمر الحمدالله يوجد نسخ في اليوتوب باسم جرائم القذافي في حق الشعب الليبي بمجهود رجال ليبيا الاحرار )لا جديد لا تقدم في الاخبار كل الاخبار محلية نحن الجيل اللي عاش علي الحرمان كانت الفاكهة مثل الموز من الحلم للاطفال والشكولاته من الممنوعات في ليبيا و العصير لو نفتح المجال نحكي من هنا لعشر صفحات لن يتنهي الكلام لكم بالنسبة للتعليم و بمجهود المدرسين والحق يقل رغم انهم في تلك الفترة والتي بعدها مرتب المدرس كان من ضمن الحديث راتب ضعيف بس عطاء المدرس كان اكبر وهذه حقيقة لابد من ذكرها يعني ليس بفضل النظام .

نحن الجيل المحروم من ابسط حقوقه المعترف عليه في العالم في ليبيا الان انه عليك واجبات فقط ومحروم من كل شئ ( الا ان تكون من الامن الداخلي او الخارجي فانت سلطة في الدولة ) هذا الجيل عندما كبر شبابه لما يجد شئ له يدرس فقط لا يجد عمل وان وجد عمل وهذا يحدث كثيرا ويكون مخلص في عمله ياتي احد طبعا يكون له اقرباء في الحكومة الليبية الان يخذ مكانه او منصبه .ليس له مكان في ليبيا و المشكلة التي بدات تحدث الان انه معمر لما يحقق شئ لليبيا بس حقق هدفه او الاصح حلمه و هو طالما يحلم بالليبين يخروجوا من اليبيا و هذا يحدث الان بكثرة فعلا من كثرة الظلم في ليبيا اصبح كل الجيل و بالذات هذا الجيل يحلم بالهجرة خارج ليبيا ويقول ( انا درست في ليبيا بنقود طبعا معمر حسب كلامه في الخارج التدريس مجانيا في ليبيا هذا كلام العالم يسمعه في الخارج الان وفي هذه السنوات لكي تدرس لابد ان تدفع ثمن الكتب وحاليا اخر قرارات توزيع الثروة ومنها يدفع الاباء ثمن الجامعة لابناءهم بالليبي يدعو للجهالة من اين للموظف ثمن الجامعة للابنه او للابنته ) .

العلاج في ليبيا يقول مجانيا : وهذه اكبر كذبة تقال اصلا لو يوجد علاج في ليبيا لما استنفعت تونس و مصر والاردن من الليبين .

بالنسبة لجيل الثمانيات هذا الجيل اللي ولد في الحرمان اصلا حاليا كبر هو جيل التسعينات على الحضارة والنت والستالايت لكن للاسف ليس عنده اي معلومة سياسة او يفهم في السياسة جميعا يفهموا في السيارات و النقالات و الستايلات بس للاسف لا توجد اي معلومة تاريخية ( بالنسبة لنا و انا من جيل السبيعيات لحد قريبا لم اكن اعرف مكان الشاعر احمد رفيق المهدوي انه له سكن في مدينة بنغازي و انا عاشت وكبرت في بنغازي ) اما جيل الثمانيات فالمصيبة اعظم لانهم للاسف لا يعرفوا التاريخ او من يحكم او من في الدولة .

معلومة : نحن لم ولن نطلب بسيف معمر يحكمنا ؟من هو اصلا ؟ ماذا قدم ابوه حتي سيقدم ابنه ؟

اتمن ان يفتح هذا الموضوع للمناقشة للجيل مواليد السبعينات والثمانيات .

أحمد الليبي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home