Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

من أخبارالمؤتمر الجديد

نبى انقوللكم خبرمؤكد ايضحكم المفك لما ورطه ابراهيم اقدوره الله إيكمل عليهع قله في حملته على التيم التنظيمات ووعده فيها بمركز كبير في الموتمر اذا نزل في قادتهم أو شوه سمعتهم . فرح المفك كيف فرحة لوليد بالزماره أو نزل في غرف البالتوك او ما عقب كلمه شينه اوما قالها على المعارضين أو قعد طالع نازل من الصبح لعقاب الليل ماسك المايك اوهات يا اعياط ومن كثرة الهرجه هبل هله الى معاش أقدرو يرقدو ولا ايتريحو لكن ربك فى الوجود او ريحهم من مصيبته لأن جيرانه لجانب شكوا فيهم عند البوليس الى حذره وعصره عصره كويسه او خلاه ينقل أجهزة كومبيوتراته الى الكنيف كرمكم الله وسكر الرواشن على اروحه بيش ما يطلعش صوته ولكن المصيبة قعد ماسك المايك ويلعلع أو بيش ما اتفوتاش كلمه حتى لما ينزرب أيقعمز على الكنيف واينزل أو ما إيبطلش لمهاطاه حتى أقعدت بنته تقسم الراس ولما يطلع على هله ولا على الناس وايحقوه إيسكرو خشومهم ويبتعدو عنه. أوحتى لما بخر روحه بالفاسوخ والوشق ما فيش فايده قعدت بنته امعفنه كيف أو حتى بعد قعد إيبخ في روحه بالبرزيتا ما فيش فايده . والحمد لله الي بنته ما أطلعتش في لغرف الى ماسك فيها المايك ويقطف ليل نهار بلا ثامره. لكن الزعيم المفك محضوض عنده كنيف واسع حط فيه أجهزة كومبيوراته لزوم الحرفه والتخصص الجديد في لبصاصه على ألي ايخشوا ولي يطلعوا بأسماء مخفيه كيف ديما ما ايقول انا نعرفهم أو نعرف حركاتهم واحد واحد أو وين ايخشو أو وين يطلعوولما ايتصيده النوبه يصرخ ويقوللهم كيف لعيال لما ايتعاركو فى الزناقى أطلعولى كنكم رجاله لكن يا اخساره قعدت حسوفه فى قلبه أنتهت مهمته أو ما طلعلاش واحد منهم .
على فكره المفك من بعد ما استعمله صاحبه أبراهيم أقدوره والكابو الكبير أبريك أستعملهم هما أثنين لعند ما جى وقت الانتخابات رخى بإبراهيم اقدوره والمفك الحبل وأسقطوفى التصويت الى موتيه الكابو من قبل تبدى الجلسات أو خدو إصبع القابله أو كفرتي أوراجلك راح كيف ما ايقولو. وبعد المؤتمر صادت المفك صدمه كبيره أو ما عادش سمعنا صوته بعد ما وقفوه على الدوه وأطلبو منه إيركح روحه واستغنوعن خدماته بعدها حصله رد فعل قوى أو بطل يدوي على الميضوع بعد ما افرح بالزعامة أو وتى روحه للمؤتمراو لبس بدله او قرواطه بيش إيليق للمركز الجديد في هيئة المؤتمرلكن ما صار شيئ.. أو قالو في البالتوك الراجل ما لقى ما ايدير إلا قعد يمشي للهايد بارك في لندن من كثرة ما تعود على لمهاطاه ويركب على كرسي ويهاطى أبروحه أومره مره ايجيب أمعاه صديقه وشريكه فى حرفة النضال الوطنى والخبيرالنفطى العالمى المشهورالقبليلى والمفك إيولول او جناحه الخبير النفطى ايرد عليه ويصفقله نسأل الله ايثبت علينا أعقولنا أوقول يا لطيف على قولة هضاك الراجل خفيف الدم . اخساره فقدنا المفك فقده كبيره كان ايضحك فينا ويوسع فى خاطرنا أو يا ريت يرجع ويستمر فى نضاله بالك ربى يفتح عليه أو ينجح فى المؤتمر القادم .

عضو المؤتمر الأول


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home