Libya: News and Views      LibyaNet.Com      Libyan music      Libya: Our Home

send

الأحد 14 ديسمبر 2008

previous letter                 next letter                 list of all letters

العطار يصلح؟
شيباني يعاني من الفدّة

شيباني يعاني من الفدّة
و الروماتيزم ف اعظامه

و عنده كحّة و عنده غدّة
قال خلي نشوف الحكّامة

هاهي بحذاهم عيادة
مشى ليها يجرجر ف اقدامه

الدكتور مزبعر في يده
منجل و مقص و قلّامة

و ممرض ايده على خده
عايش ف اوهامة و احلامه

كشفوا عليه و سمعوا رده
و كتبوله وصفة و علامة

مسكّن ما يفوتش حده
و حدّوا ساعاته و ايامه

خذا الوصفة الشيباني و عدى
لسبيسارية قدامة

صدفة شبيّب شيء في يده
و يستفسر كيف استخدامه

دواء وصله من تو لعندة
من موقع نت على كلامه

منشط جنسي للعدة
في باكيت عليه علامة

مستعجل صاحبنا عدى
من غير يجيبوا استفهامه

و من غير يشيل اللي عنده
الشايب شال اللي قدامه

حبة تنين ثلاثة عدى
يبي يشّفى من اسقامه

روّح لعزوزة يجدّى
قلها لازم فيه منامة

و حلفلها ما يتغدى
لين تفتح رجليها قامة

قالتلة انت فيك الفدة
و مريّض ما عليك ملامة

ما قدرت بالصحة تصده
احتارت فافعاله و كلامه

و من اول عمره ما ترده
كان بدى يصفن فاكمامه

و ما لحقت توصل للسدة
لين البرّامة برّامة

و لين العدة ذيك العدة
ذكّرها بقديم ايامه

لكن هالمرّة يا ودي
فات الحد و فات مقامه

وصلت خمسة و هي تعد
و اختلطوا عليها الارقام

بعدها طاح على المخدة
كيف الشلتيتة و ما نام

ناضت من تحته في شدة
رجل لتالي و رجل لقدام

تفتش في جيوبه و ما عنده
و زرطت حارة بالتمام

قالت عاود عاود عاودّه
ر مش راه نخليك تنام

و قالت نبي نعاين عنده
دكتورك يا حاج تمام

زعم عطار ف هذي المدة
يصلّح ما فسدوا ليام؟

والسلام ختام.

البشير
albashirm@hotmail.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home