Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ويا.. مغـتـربينا..!!

- الليبيين ديما يحبو اللمــة ...
- خشـرة ... طبعــا ..
- صح كان مافيش ممة . مايجيك حد ..
- يا راجل ألدوة مش هكــي ..
- أمالة كيف ..ترى فهمنــا ..
- جماعتنا ينقصهم الإنسجام ...
- والله صــح ..كلامك مزبوط ..
- مش عارفين السبب شنـــو ..
- إسمع ..إسمع نقولك أنى ...
- خلوه .. يتكلم .. خلوه ...
- يا راجل الجماعة كلها تكوش ...
- أني ما أعتقدش ... أنا نقول ...
- باهى يا سيدى فهمنـــا ..
- تعرف أحني الليبيين عاطفيين هلبة ...
- يا راجل عاطفة شنــو ...
- يس ... أني تو نفهمك علاش ...
- يا سيدى منك نستفيدوا ...
- خلينــي نتكلــــم ...
- إسمع ..الليبيين نسيج طيب من خامات مختلفة ...
- يا راجل فكنا من الفلسفة وخش دغــري ...

- صــح.. صــح كلمنا بالفلاقــي ...
- أماله تعرف الليبيين ..أني أعتقد يتجنبوا فى بعضهم ...
- شنــو قصـدك ...
- إيه ..إيه ..ممكن حتى يخافوا من بعضهم ..
- تعرف أني .. نشوف فيها أمور ثانيــة ...
- يا جماعة فكـونا من السياسة ..
- أحني بعاد عليها هلبــــة ..
- أمالة .. خلونا نقولـــوا الصـــح ...
- أني عارفك من تقصــد ... العائدون ...
- لكــن موش كلهـــم ...
- أحنـي منبوش إنعممــوا ...
- واللـه كلامــك صــح ...
- خلونا نتكلموا بصراحــة ...
- أني عارفك تكرههـــم ...
- إسمع ... أني نكـره أفعالهــم ...
- أخي ... أني نتكلم على الجايين من تونس ...
- ربنا .. يغفرلهم هالنـــاس ...
- تعرف ليبيا ماشافتش خير بيهم ...
- هاذوا ناس يأكلوا الغلة ويسبوا الملة ..
- هما أكلو الغلة و بــس ...
- هما ما خلوش حتى السلــة !!!

عبدالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home