Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

تعالى بشوقك

تعالى بشوقك..يا وطن شوقي ليك سكن في دروبك

كل ما انقول نسيتك
ينقض عليا الجرح نصبح حاير
مازلت متعلق ربطني خيطك
لا قدرت ننسى ولا عرفت دباير

تعالى بشوقك.. يا وطن شوقي ليك سكن في دروبك

لا ما تلومه
الليبي اللي هاجر تغطى همومه
ما يتركك لو كان هاني نومه
وما يهجرك لو كان صوبه صوبك

وتعالى بشوقك.. يا وطن شوقي ليك سكن في دروبك

لا ما خانه
عهد الوفا للوطن ليه مكانه
بالحب قلب الوفي مزروع مش جبانه
والود دايم بيك تغطى بثوبك

تعالى بشوقك.. يا وطن شوقي ليك سكن في دروبك

زاد حنيني
لنخلتك..لنسمتك..
لتراب شارعنا وربيع سنيني
للأهل والجيران..لأمي وديني
لصوت لاذان في شهر الصيام..
وطياح شمس اليوم وقت غروبك

تعالى بشوقك..يا وطن شوقي ليك سكن في دروبك

حسين ارحومة
هلسنكي 2008


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home