Libya: News and Views      LibyaNet.Com      Libyan music      Libya: Our Home

send

الأحد 12 اكتوبر 2008

previous letter                 next letter                 list of all letters

قالوا ... و قلنا (3)

قالوا . الليبيين في بريطانيا بينصبو خيمه
قلنا : انشاء الله متكونش الخيم عاده ليبيه في الخارج بعد ان نسوها في الداخل

قالوا . العشه هو الذي ذكر ذلك في الجرايد
قلنا : ميخلوها عشه في لندن بدل خيمه

قالوا .المعارض من رآي منكر ينهي عليه
قلنا :هي كلها منكر و نكير

قالوا .فيه دكتور في ولاية نيوجيرزي ايحب الميك في البالتوك
قلنا : توه نكتبوله عند فقي

قالوا . اغلب المجموعات و الفصايل المعارضه الليبيه فيها مشاكل
قلنا: نحن ليبيين و هذه السياسه و الديمقراطيه

قالوا . مصر بدت اتصدر في 1.8 مليون متر مكعب من الغاز الي اسرائيل
قلنا: هو غير غاز بس قبلها حديد و سمنت لمساعدة اسرائيل لبناء السور

قالوا . عزالدين ,دينو, ناشط فى المظاهرات
قلنا:يمشي مع كل واحد متظاهر حتي حزب رسبكت و جماعة الرفق بالحيوان

قالوا .فيه أشخاص معارضين يشتمو في فصايل المعارضه
قلنا:شكلهم قدمو طلبات للآمن الخارجي. و قاعدين تحت التدريب

قالوا . كل من يدلي برآي صريح ناقد ايقولو عليه بصاص
قلنا: نحن ليبيين و كل واحد يعتقد انه أكثر وطنيه من ألآخر . و باتهام ألآخرين و تخوينهم . تعلموها من النظام

قالوا . شركة الاستثمار الليبيه بتشري عقارات أوربيه و امريكيه
قلنا :شكلهم بيدعمو ألآزمه الماليه مع براون و بوش

قالوا . الرشوه كثرة في ليبيا في السنوات ألآخيره
قلنا:تعلموها من اللجان الشعبيه و مدراء الاسواق

قالوا .الصين تتجسس على مكالمات السكيب
قلنا: هذه التكنولوجيا سوف تستوردها ليبيا منهم

قالوا . بريطانيا صرفت 12 مليار استرليني لآنشاء مركز لمراقبة الانترنت من قبل الحكومه البريطانيه
قلنا: مش غريبه عليهم أكثر بلد بالعالم به كاميرات

قالوا . سواني تيكا أيسب في المعارضه و ايدافع عن شكير و الخوجه
قلنا: أكل عيش مسكين عليوه اتعب في تشاد شكلها ردت فعل قويه عنده

قالوا . فيه مدرسه ليبيه بلندن كل ليبي يدفع عن ابنه 280 جنيه أسترليني
قلنا: باعو المدرسه و قسمو حقها و فتحو مدرسه خاصه و قالوا مدرسه ليبيه. الله المستعان

قالوا . رحيل مريض و ممكن يدخل المستشفي
قلنا:الله يشفيه . كل من في البالتوك ألآحسن ان يبتعد أو يدخل المستشفي بجد

قالوا . فيه ليبيين في السويد
قلنا:أغلبهم في السجن و الاخرين ينتظرو و ربك يهديهم

قالوا . ليبيا بتوقف النفط الخام عن سويسراء
قلنا:المشكله في كانتون جينيف و تطبيق الديمقراطيه

قالوا . مؤسسة أمل الخيريه سكرت و جمد مبلغ 130,000 دولار
قلنا: هذا بعد ما خصم السكرتير له عشرين في المئه له و جماعه تدفع و جماعه لم تستلم

قالوا . أما تشتم و تسب أو انت غير معارض و ربما تتهم بالبصاصه
قلنا: العيب على زايد العقل. وكل ليبي معروف

علي بن ضو
alibendaw@hotmail.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home