Libya: News and Views      LibyaNet.Com      Libyan music      Libya: Our Home

send

الثلاثاء 11 نوفمبر 2008

previous letter                 next letter                 list of all letters

الى طلبة الخارج .. ياسر راهو مرضتونا

بالله عليكم ياسر راهو مرضتونا...ديمة وانتم تعيطوا وماعاجبكم شى وانتم ثلاث ارباعكم اصلا ماتستاهلوش البعثة ومحصلينها بالتكوليس....اللى بيتعلم بالحق تلقاه مستعد يغسل الماعين في المطاعم باش يوصل للشهادة لكن انتم اغلبكم مسافر للدهوارى ولمان الفلوس...
الدولة مش ملزومة تصرف على البى هو وزوجته وعرم صغار فى الخارج..مبلغ المنحة معروف من البداية وان كان تعرف ان مايسدكش انت والجيش اللى رافعه قعمز فى خربتك...
ماتقوليش هذه حصتك فى البترول لان البترول مازال ما توزعش...انا واحد من هلبة ناس طلعوا على حسابهم وتبهدلوا باش وصلوا لهدفهم وما شفنا شى من البترول فعلاش انتم تاخذوا منه...وياريتكم بعد ماتكملوا قرايتكم..هذا كان كملتوا..تروحوا لليبيا بدل ماقاعدين تجروا كيف تحصلوا جنسيات اجنبية.... القاعدة توا عند طلبة الخارج مادامك طلعت ماتروحش لين تاخذ الباسبورت البريطانى والا الكندى والا غيره مش لين تروح بشهادتك....
والله كان يغربلوكم ما يطلع منكم عشرة فى المية يستاهلوا البعثة والباقى حرام ينبعثوا لزيمبابوى...احمدوا ربى ان الحكاية فى ليبيا سلاطة واسكتوا لانكم لو كنتوا فى دولة منظمة راهوا ماطلعتوش اصلا .

مواطن


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home