Libya: News and Views      LibyaNet.Com      Libyan music      Libya: Our Home

send

الخميس 11 ديسمبر 2008

previous letter                 next letter                 list of all letters

كحيلة ديمه ترفس فى بعضها
( رفاق القرن الثلاثين )

الذى جعلنى اكتب إلى هذا الموقع ليس لسبب الفتنة او التشهير بالناس ولكن فقط من أجل توضيح بعض المعلومات التى عندى بها دراية. لقد لاحظت الفترة السابقة ان هناك بعض المقالات التى تشن على الدكتور عبدالله عثمان وللامانة من خلال عملى مع هذا الرجل فى المركز العالمى للكتاب الاخضر ومع إنه لم يكن هناك بيتنى وبينه علاقة مباشرة ولكن أخبرنى صديق لى وزميل عمل ان هناك جماعة عرضت عليه بعض المساعدات من أجل الحصول على أى مستند مهما كان من المركز وذلك من أجل إستخدامه ضد أمين المركز لان بينهم وبين عبدالله عثمان ثأر. وانا أعتقدت انها بينهم ثأر قتل فى سبها ولكن قالى لا الموضوع كله ان قالوا عندهم واحد رأس وكان بيحطوه ريئس وزراء مكان البغدادى وعبدالله عثمان واقف ضده، وقتله عبدالله عثمان خيرها ماحط روحها مكان البغدادى مادام هو اللى أيقرر. وبعدين الجماعة اللى تحكى عليهم هم أولاد عم الدكتور وانا شخصيا رأيتهم يأتوا للدكتور فى مكتبه وهو المسكين حاسبهم أولاد عمه ومن سبها وقذاذفة معقولة يعملوا هكى مع ولد عمهم حتى أحنا الغربة لايمكن نفعل حاجة هكى. المهم قالى كحيلة فى بعضها وحسب علمى كحيلة ديمه ترفس فى بعضها وخلينا انمشى أمورى وقتله عيب عليك الراجل هو اللى عينك فى المركز عندما وجدك فى الشارع وبعدين حسب علمى الجماعة اللى تحكى عليهم مخانب وسرقوا الدنيا كلها وكيف حيعملوا لما يمسكوا مكان البغدادى.

وحسب ماقال زميلى إنهم واصلين ويقدروا يوصلوا للقائد والمهندس ولما يحصلوا حاجة على الدكتور عبدالله عثمان يعطوها للقائد والمهندس باش يطردوا الدكتور وبعدين يصفالهم الجو و صاحبى حشاكم اهبل صدقهم وقتله والنبى هذو لو كان يستطيعوا يوصلوا للمهندس راهوا مايكتبوا فى مواقع المعارضة ماهو يمشوله طول

نصيحة ليك يادكتور ممكن انت ماتعرفنى لكن انا نعرفك كويس: اولا هولا مشكلتهم حسد ومعه مرض نفسى وانت راجل متعلم ودكتور وهم كمشة مسارق سرقوا ملايين وهم اخر من يتكلم على الفساد ولن يوقفوا عن الافترء والهجوم عليك الا إذا كان راؤك فى حالة لايحسد عليها. يادكتور راهم والله مازالوا يدورا فى المركز حتى بعد ما انتقلت منه ويحاولوا يجدوا شئ لكي يضعوه على هذا الموقع وانا عرفت إنك عرفتهم وإلا كنت حنقولك. المهم يادكتور انا عارفك حتستغرب ها الناس شن بينى وبينهم لكن والله ثلاثة كان ماروك ملوح فى سبها وحالتك تعبانة مايهدالهم بال وانا حسب وجهة فكرى بلغ المهندس عليهم وأحكيله بالموضوع وخاصة انت عندك معلومات اكيدة عليهم على الاقل يعرف كحيلة كيف ترفس ببعضا وخلى الرفسة تجيه فيهم هما لإنهم مايتحشموش.

الاخ المهندس سيف الاسلام اللذين يهاجمون هذا الرجل عبدالله عثمان هم شلافطية (رعاع) من الذين أصبح لهم شأن بعدما قامت الثورة وهم من النموذج السئ من قبيلة القذاذفة واللذين يصولون يجولون بعد ما سرقو مو..... سابقة وهم الان هدفهم الوحيد هذا الراجل ووالله غرضهم الوحيد هوالايقاع بينك وبين الدكتور عبدالله والذى لم نرى عليه إلا كل خير.

على الغرباوى


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home