Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

قالوا وقلنا

قالو: توين يا حاج طولت واحنا نرجوا فيك
قلنا: كان سمعتوا وشفتوا تو تعدروني

قالو: شوقتنا !!! شنو فيه ؟ غير قول
قلنا: مسمعتوش باللي قالو خطفوه وضربوه ؟؟؟

قالو: خطفوه ؟؟؟ من هوا اللي خطفوه ؟؟؟
قلنا: ضو المنصوري !!!

قالو: ومن هوا المنصوري هدا ؟؟؟
قلنا: هدا واحد من جماعة سيوفة متع المليون كمبيوتر !!!

قالو: وشن جابه لسيوفة الصّلوعي ؟؟؟
قلنا: ماهو من الجماعة اللي أسسوله منتدى الديمقراطية

قالو: معناها هدا عروقه غاطسة في اللمية ؟
قلنا: مش غير هكي وبس

قالو: مازال فيه اكثر من هكي؟
قلنا: وقالو ناشط في حقوق الانسان ومأسس جمعية مسميها العدالة لحقوق الانسان!

قالو: بلالالالالاه العدالة مرة وحدة !!!
قلنا: قالك اسس جمعية العدالة في بلاد ممنوع فيها العدالة !!!

قالو: وشن فيها؟
قلنا: تخيركم مقريتوش القانون الليبي والا شنو ؟

قالو: وخيره القانون الليبي
قلنا: تماهو القانون يقول،،، يحكم بالاعدام كل من يدير حزب والا جمعية تتكلم على حقوق الليبيين !!!

قالو: تباهي الراجل شنو صار فيه؟
قلنا: يحساب روحه يضحك على الناس،،، مايحسابش انه يضحك على نفسه واهله!!!

قالو: وكيف يضحك على الناس ؟؟؟
قلنا: لانه مقمعز في مكتبه ويضحك على الناس اللي خافو عليه !!!

قالو: معناها هدا سفتول
قلنا: يحساب ينفعوه سيوفة والا صوان والا العلاقي اللي مقمعز معاهم في المكتب تاني يوم الصبح ويضحك ويقول كلو المقلب !!!

قالو: مقلب شنو؟؟؟
قلنا: يحساب روحه وكل المعارضة مقلب باهي، ومايحسابش انه وكل روحه والليبيين في الداخل المقلب هدا !!!

قالو: فسرلنا مفهمناش
قلنا: تو كان حصلو عليه بعد ايام والا حصلوا على واحد تاني ؟ من حيتكلم عليه؟؟؟

قالو: حسه كلامك حق !!!
قلنا: تهو اولادنا اللي متبهدلين في الغربة علاش ماويين كان يبو يرتاحو وينسونا؟؟؟

قالو: والله عندك حق
قلنا: تهما كان يبّو، يقدروا يخدموا ويعيّشو صغيويرتهم احسن عيشة ويفتكّو منا ومن مشاكلنا

قالو: كيف بيفتكّو ؟؟؟
قلنا: تهما مساكين اغلبهم يصرفوا في فلوسهم على المظاهرات والمواقع متاع الانترنت باش يقولو للعالم راهو هلنا في ليبيا مقهورين ومغبونين

قالو: في هادي صدقت
قلنا: وشفتوهم كيف حتى لما يحاولو يطلعوا على الاداعات يشوشو عليهم

قالو: والله صدقن ننقانه سفتول هالكرينتي المنصوري
قلنا: مش غير هوا بروحه

قالو: امالا منو معاه؟
قلنا: ياما منهم هالسفاتيل اللي يلمّعوا في صلعت سيف ويقولوا راهو سيوفة قنيّن ومش كيف اوباه

قالو: زعما حق زي اوباه ؟؟؟
قلنا: كان هو من صغره وهو يرضع من تدي اوماه في دم الليبيين وكيف كبر بدي ينهش في لحمهم وخيراتهم، اكيد بيطلع زي دراكولا !!!

قالو: نشهد بالله انك جبتها، مايطلع الا احرف من بوه
قلنا: خلط خوه على بوه ، يطلع لصلع دراكولا احرف من بوه

قالو: غير كملنا الحكاية الاولة
قلنا: غير صب طويسة شاهي ونولعو معاها سبيسي وبعدها نحكيلكم

ابو جرد


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home