Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

المعارضه والنظام في غـرف البال توك

بسم الله الرحمن الرحيم
والصلاة و السلام على سيدنا محمد و على اله وصحبه اجمعين.
اليوم احب ان اتكلم عن البال توك و غرفه و رواده هي نفس المجموعه لا تتغير كتيرآ و خاصه في المساء منهم من معارض و منهم من مع النضام توجهاتهم مختلفه و لكن هم متساوين في التصرفات لو دخلت لغرفة جراتيم النضام قبل ان تطلق السلام تجد نفسك خارج الغرفه مطرود ليش ماكش من التوريين المعروفين لدالك لا يرغبون في معرفة من انت ودالك هي احوال التوريين لا نقاش ولا راي اخر معلمهم قائدهم.
ام المصيبه الاكبر هي غرف المعارضه هي نفس المجموعه في اغلب الاحيان ام ان تدخل و تستمع الى تنضيراتهم وخطبهم الرنانه لما الواحد ياخد المايك محمد سعيد مديع صوط العرب 67 ميجيش قدامهم شي .
كان تبي يعلقولك رتبة معارض شريف او لقب رجل عليك ان تاخد المايك و تنضر متلهم و تسب معمر و نضامه او عليك ان تختار واحد من كبار قياداتهم و تبد في مدحه و تبجيله و رفع من شانه و لا مانع من عبادته عبادة القدافي حرام و شرك لكن عبادت احدهم حلال بجميع المداهب .
اول شي يقولوه لك انهم يرغبون في الديمقراطيه و حرية الراي و رفع الضلم و لكن لو لم تفعل ما دكرناه سابقآ لا ديمقراطيه لك و تداس بالاقدام و تلقاء نفسك خارج الغرفه كدالك .
المعدره هم فعلآ يحبو الديمقراطيه لكن عليك ان تكون في صفهم و قناعتك قناعتهم حت تتمتع بالديمقراطيه والا تطرد و قد تنحط في البان متل ما حصل معي طردت اكتر من 6 مرات في خلال اربع ايام و نحكيط في البان في غرفتين غرفة المناضل و المغوار و فارس الفرسان الملازم عمر المختار طبعآ كل هده الرتب تحصل عليها في البال توك ليس في حرب تشاد وغرفة ليبيا دسكشن كدالك طبعآ انا منبيش نلوم عليهم الجماعه حطوني في البان تلبيتآ لرغبة الجماعه الشرفاء و حت يتبتو انهم فعلآ شرفاء و ميقبلوش من يشكك في المعارضه المؤتمر الوطني قرب و منبوش من يشكك هداء الدي تسمعه منهم لكن انشاء الله نضح من هواء العميل و من هواء الدي يعمل مند اكتر من سنتين و نص من اجل عدم وصول قضية حرب تشاد الى المحاكم الدوليه وما هي الاسباب التي جعلتهم عرقلة هده القضيه و من هم مع النضام و من هم اتباع العقيد الصنديد الغليض الدي لما وقع في الاسر مطيحش سلاحه على الارض بل بقاء رافع سلاحه فوق راسه الى ان سلمه الى التشاديين نضيف مش للزم يتعبهم ينضفوه و من هم دمي جبهة الانقاد الدي تحركهم من خلف الستار.
بالنسبه ليا انا نتمنا فعلآ ان تكون فيه معارضه حقيقيه و تعمل من اجل ليبيا و مضلوميها تكون فيها معارضه متوحده في فصيل واحد تقودها مجموعه نضيفه انضف من التوب الابيض نلتف عليها و ترجع بينا لكن وينهم هما قبل سته او سبعه شهور واحد من القياديين يخون في قيادي اخر كيف يصير واللهي ماني فاهم تصف واحد بالخيانه و هواء معك في نفس المؤتمر يعني انت كادب او خائن معاه تعرفه خائن و متبيش تبلغ عليه تخليها لعند تتزاعل انت و اياه على البال توك و تقول خائن .
اما المناضل الكبير فرج 6 يطردك و في اليوم التاني يقولك اسف يا خوي والله ممكن غر بيا واحد من الجماعه او يقلك انت تطاولت على واحد من الجماعه كيف نتطاول يا سيد فرج واحد يجي و يقول انا نتكلم باسمك بالكدب و بدون ما يرشحه حد و يعمل معه 8 او 9 اشخاص و يبدى يكدب على الناس و يتكلم باسمهم.
يا سيد فرج اول امس كنت تطلب منا ان نشرح لك الموقف امام الجميع في الغرفه و خاصه ان الغرفه مفتوحه للجميع و لنقاش موضيع مهمه.
فرج سته يقولك انا ديمقراطي و ضد الاعدمات تم يتوسع و يحكينا على جمال اتاتورك و كيف تركيا تمدنت في عهده تم يتكلم عن الاعدمات التي ارتكبها اتاتورك و يقولك نعم لزم ان يعدم ناس حت يتقدم ببلده.
والله يا فرج كانكم جيين بترقو بليبيا و بتعدمو خلونا نرجع للبعير و الجحوش احسن من رقي بالدماء و المجازر الجماعيه و اهانة الانسان و الحط من قدره.
اما كبير المناضل تغيير كدالك قريب من السيد فرج انا ضد الضلم انا ديمقراطي لكن عليك ان تكون على نفس الخط ولكن راجل طيب مرات كتيره يطردك و بعد ساعه يخليك ترجع و لكن رد بالك تتكلم على جبهة الانقاد انا منلوماش لو ميديرش هكي الجماعه تاني يوم يفتحو عليه النيران و يتهموه بالعماله لدالك لزم يعمل هكي يا تغيير اوعدكم انشاء الله ان نقص لكم القصه كامله من يوم وقعنا في الاسر الى اليوم على حلقات و وبها كل القصص التي جعلت بعضهم يحاول الالتفاف على هده القضيه وعلى العموم كانت بتحطني في البان مش مشكله اهم شي انك تبقي مناضل من يطالب بتحقيق دولي في جرائم حرب تشاد يصبح في نضر المعارضه الشريفه عميل لنضام نعاودلك مره اخره واللهي نكره القدافي و نضامه الضالم لكن واللهي الشخصيات التي نعرفها ما فيه فرق بينها و بين معمر القدافي بعشره قرمات بس هواء حاكم و انتم لا مند اليوم قررت ان اتكلم هناء في غرفة الاستاد اغنيوه سواء خلتوني نتكلم عندكم او لا انا عهدت نفسي ان اكتب قناعتي و مدكراتي و الحقائق التي اعرفها سواء على النضام او على المعارضه اعرف اني سوف اتهم بالعماله لكن مش مهم الشعب هواء الحكم نقول الحقيقه التي منعتونا من قولها اسرى و ضحياء حرب تشاد يعانو مند اكتر من 20 سنه تنكر لهم القدافي و استغلتهم الجبهه هده حقيقه انتم تريدون ان تغطوها كل من يتكلم في هده الحقائق تسكتوه و تتهموه بالعماله ادآ لا فرق بينكم و بين القدافي الا القدافي في الصلطه و انتم تعملون على الوصول لصلطه و هنا لا اتهم كل المعارضه و لكن من يحاولون اسكات من يحاول التكلم في هداء الموضوع حت لا اطيل عليكم اعدكم برسائل اخرى سنشرح فيها معنات ضحيا حرب تشاد لتريخ .
ستكون تحت عنوان ضحياء حرب تشاد بين مطرقة القدافي و سندان خليفه حفتر حسين حبري جبهة الانقاد .

مناضل monadel_17


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home