Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

شقراء

_يا راجل الكلام عن المرأة لازم يكون موضوعي..والا...
_أسمع..أسمع..قبل كل شي كلمنا بالفلاقي...
_إيه..إيه..وعلى قيس عقولنا..أحني...
_يا جماعة..أني نقول..الزواج في الغربة..بنت البلاد أحسن...
_أحسن..لكن هي هني وصياحها في الوادي...
_شن قصدك يا بوحا...
تعرف..يبي يقول ..قطوس في أشكارة...
_لا..لا..ماهو العويلة يدبرولك..بالتاكيد يعرفو جوك...
صح..هذي برضه فكرة...
_لكن..يا جماعة مش كيف...
_يا ناس..الفكرة سمحة..لكن؟؟؟
_أني نقول..الواحد يمشي..ويشوف بروحه...
_هذا كلام مش لبعضه..وبعدين...
_بالله..يا عالم..أعطونا كليمة...
_تكلم..تكلم يا بوقيلة...
_أسمعوا.. أني نقول..الواحد ياخذها من هني أحسن...
_ترى..ثقفنا يا زعيم...
_هذا ما تأخذوش عليه..هو في دمه الشقروات...
_والله..حتى أني معاه في هاالراي السمح...
_يالله..هذا.الحصان وهذي السدرة...
_يا وليدي..غير أكبر بس...
_إيه..إيه..باش يديرولك عدة وفرس...
_ياولاد..غير خشولنا في الموضوع...
_أسمع..أنت كان عندك فكرة..قولها..وإلا..أسكت...
أني..أنت تعرفني..نبيها شقرة...
_خليك أمالة مع شلتك..شلة البرستيج...
_خلوني..نرجع إلى كلامي الاول..راهي الليبية..هي المستقبل..
_مستقبل شنو!! يا فندي..وأنت أللي زعميتة فاهم...
_لا..لا..الحكاية مش بس رومنسيات و"فان"...
_يا فالح..أحني نحكو على مستقبل الصغار في الغربة...
_أنت تهذي..الصغار..قبل أمهم...
_والله يا جماعة..الراجل عنده حق..حكاية الصغويرة...
_أحني..يا جماعة..تقريبا خرجنا على الموضوع...
_أنت.. اللي من بدري..وأنت تفتري على الصغار...
_عنده حق..أنت غير جيب أمهم...
_أني اخر كلمة..نقولها..ليبية وبس...
_أني نقول..حتى عربية ما عندك ما تقول...
_إلا..تونسية..رد بالك..يا شيخ...
_يا ودي..كان عليه أني..لا عربية ولا تونسية..اني مع شقروات قوم عيسى حتى الموت..

عبدالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home