Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

رد عـلى بيان مفتاح الطيار
حول اعـتداءات .. هاهاها .. المغـرب

سى مفتاح ياصباح الخييييييييير.. ايش حالك.. ياك طيب.. وايش حال الشواهى....ياراجل ايش الرفس ايلى قاعدين اديروا فيه فى المؤتمر ؟؟. زاعمتوا اكبودنا ... ياخى راهو زيدان وبوشويقير من الجماعة ايلى قابلوا سيف وعلى اتصال مباشر بالصلوعة ومن الناس ايلى تبنوا الاصلاح وماعندهمش اى مشكلة مع النظام اما موضوع حقوق الانسان والكرنكيط الفاضى فهو مجرد شماعة وسبلة بيش عن طريقه يقدروا يقابلوا سيف وجماعة النظام. وبالنسبة للكدى فهذا ابن اللجان الثورية ومعروف عليه انه كان ياكل فى الكتاب الاخضر ثلات مرات فى اليوم ويتسحر بيه فى شهر رمضان وهو احد ايلى ترعرعوا فى المثابات الثورية ودافعوا عن القائد وعن كل جرائمه بقلمه واليوم هذا الافندى المتنطع متصدر الساحة للتنظير والدفاع عن الاصلاح والحراك السيفى.. فاانتوا يامؤتمر الدفنقى ايش قاعدين ترفسوا وشنو تبوا بالزبط؟

صحيح ان المؤتمر الوطنى الاخير لفظ انفاسة ولن تقوم له قائمة بعد اليوم لكن ياسى مفتاح المؤتمر الوطنى بفضل ابراهيم قدوره وبريك سويسى وابراهيم جبريل وباقى المتأمرين المنبطحين لسيف قعدتوا كيف ايلى قالوا عليه: راسه بافه يالطيف كرعيه اتقول مقاديف .

الباين ياسى مفتاح انك قاعد تطبق فى خطط لعب فاشلة فمرة تغير الحارس ومرة تغير الدفاع ومرة تقصى قلب الهجوم ومرة تفقد اعصابك وتتهور وتبدا اتحدف فى الجمهور بالحيط ولو زعلت منه تبدا تضرب فى الفقوص بيدك للجمهور.. وبصراحة فالطة البيان الاخير بتاع زيدان وبوشويقير والكدى والفلايط الاخرى كانت بسبب ان سى مفتاح قرر تغيير مدلك الفريق وجاب مدلك جديد بس للاسف طلع صايع ومش متربى وقعد هذا المدلك الرزيل يدير فى حاجات بطالة لاعضاء فريق المؤتمر لغاية ماطفشهم واحد وراء الاخر...ويالطيف .

وحاجة اخيرة ياسى مفتاح مادام انتم تريدوا تسليم المؤتمر لسيف فياريت لو تصدروا بالمرة بيان شجب واستنكار شديد اللهجة على حادثة اعتقال المناضل المعتصم فى جنيف بيش ترفعوا من معنويات الاخ القائد وتجبروا بخاطر سيف واخته عويشة ويكون المؤتمر الوطنى اقترب من احضان وحجر سيف .

مصارع ثيران سابق


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home