Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

نصيحة أخوية للدكتور جاب الله

يا دكتور جاب الله موسى الحسن دوتك فاضية وما عندك شئ تفيد بيه شعب الشرق المقهور...أنت تقول " فيما كان يعرف بليبيا"....بالله عليك قول لي توا شنو صارت, ماهي مازالت ليبيا ... التغيير ما يكونش بالكلام والدوة الفاضية لكن يكون بالعمل الجاد والمثمر وبصراحه نقول لك انت دوتك فاضية والاحسن انك تسكت بدل القطاف الزايد اللي تقطف فيه... خليك واقعي وتكلم بواقعية ولا ورينا شنو تبي تدير .... لو كان الحكاية بالتمني والاحلام ما فيه حد ما يتمنى الحرية ...لعلمك انا شرقاوي و ما نكره ان اللي تسميه شعب الشرق يثور ويريحنا من هذا الطاغيه اللي كاتم على قلوبنا وصدورنا وبيني وبينك اللي وصل معمر للحكم واللي بيحميه الان خليط من الشرق والغرب واللي مات بسبب معمر هو ايظا خليط من الشرق والغرب والقضاء على معمر لا يمكن ان يتم بواسطة شعب الشرق وحده ولا شعب الغرب وحده... وكيف ما يقول المثل يد بروحها ما تصفقش....فخلينا نتوحدوا ضد العدو المشترك ونتهنوا من هذا الباب وبعدين يا سيدي دير حتى امبراطورية في الشرق ... انا بصراحه بديت نشك انك عميل للنظام لان النظام بصراحه مستفيد من تشتيت شمل الشعب الليبي كله عشان ما فيه حد يوقف ضده ويوقفه عند حده....فكر كويس في كلامي وانشاء الله ربي يهديك. وارجوك ما تهزا على كلامي راهو حتى انا دكتور زيك وزياده بس حبيت نكلمك بلغة تفهمها انت وغيرك.

مواطن حر


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home