Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

البوم غنائي ليبي يكتسح العالم

الاغاني من كلمات والحان العقيد ركن: ابن عم العقيد . ومن غناء الفنانة من احد البلدان العربية الشقيقية وككلف انتاج هده ا لاغنية حوالي ثلاثة ملايين دينار ليبيى بس "دونك ثلاث ملاين" ورثها الشاعر عن جده حيث باع البعاير والقعدان وانتج بيهم ها الاغنية وامسيكين ما عادش قعدله شي حتى بيش ايسبس واضطر للسلف من عقيد اخر مليونير حتى هوا عندا ورثة من جدة.

الاغنية اسمها"حالف وسيدك عل ضرب الرصاص مرايف"

تقول الاغنية.... حالف انحول طرابلس لي جارف .. الطليان حطوكم فشيشة وانا حاطكم في غارف"الاغني ة يجب ان تداع تلات مرات ف اليوم لين ايتعود عليها المواطن وايصح انشالله.

اما الاغنية التانية فهي من كلمات نفس الشاعر وعنوانها عز الجار وتقول الاغنية:

..ماناكلو كان منهوب ومانكسبو كان الخنيبة.. عنا انشدوا الجار والضيف قداش جبناله مصيبه.----... ناخدوه الرزق بالسيف والبنت وامها والزريبة.----. وابعدين نلوحوه في الجيش نحدفوه ف اول كتيبة.. ..عل الحدد يقعد ايعس واحنا انهنوه ف الغيبا... الله واكبررررررررررر.

الاغنية الثالثة هي عن شيخ الشهدا مش عمر المختار لا ياسيدي.. الاغية تتتكلم عن معاناة شيخ الشهداء في الاسر واثناء اعدامه انا اتكلم هنا عن البطل الشهيد القائد والصقر الوحيد الثائر الاممي صدام

صداديم احنا صداديم وصدام غالي علينا... اوهم خوت قصي وعدي ومعتصم والساعدي ساعدينا... ضنا ساجده وجارف اوبيي وكحيلة والعبيه والشنينا... ثم نختم الشريط باغنية:"عليتنا عليك فوق الكراسي ساده.. والليبيين بهدلتهم نجيك بدو يشربوا ف الصادا"" .

وقد قامت اداعة القنفود ببث هدا الشريط كلما عرفت ان الناس مرتاحة او ملتمة.. وعل الفور اصدرت اداعة القنفود ملحمة اخرى بعد النجاح الجماهيري الهائل للالبوم الاول . واصدر الملحمة الثانية عقيد اخر هو رئيس الاداعة اداعة القنفود طبعا.. وقد تاثر الشاعر بجولة القنفود في شوارع المدن الليبية المختلفة واعجب بالنهضة العمرانية الكبيرة والنظام والنظافة والزهور التي تملا الطرقات.. وقد ثاتر بالاخص بالفرح الدي ظهر على وجوه الليبين بعد ان اصبح كل مواطن ليبي مليونيرا بعد قرار تقسيم الثروة.. وطبعا فيه قلة قليلة مش مقتنعة بالمليون دينار ليبي وما يبوش ياخدوهم نقدا لان ماعندهمش اجيوب ترفع مليون دينار. وطلبو ان ياخدو قيمتهاه مزارع وعقارات.. ومازالت المفاوضات جارية عبر جمعية هايشة الخيرية وتحت رعاية زوجة ساركوزي السابقة ّ" ما فيش امل ف الحالية" والاتحاد الاوربي لاقناع الموطنيين بان ياخدو المليون وايفكونا من هرجتهم.

الاغاني كلها طبعا تتحدت عن القنفود: "ارقد واحلم ياقنفود .. عندك واجب راك اتنوض------- قنفود او ساري ف الليل فريد او ماعنداش مثيل" اوفي قول اخر وحيد او ماعنداش مثيل"... وشوكك يا قنفود رهيب حقيقي مش راكب تركيب--- ويا قنفود تعال تبختر العالم كلا احداك امسكر---- ولما القنفد شن اهجوما كان الفيل ف سابع نوما---- وطبطب ع القنفود او شوفا خلي الفيل ايموت بخوفا" والاغاني كلها من غناء فنانة عربية من بلد عربي اخر اواكثر جمالا من اللي غنت للعقيد الاول وللعلم راهي غنت بلاش بيش ماحدش يفهم غلط.

الاغاني تداع يوميا اثنا الافطار مباشرة في رمضان او حتى ف الايام العادية المهم ان يتلقاها المواطن عل الخوى ثلاث مرات في اليوم.

مع تحيات اداعة القنفود .

الفرجاني سالم بن حمودة


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home