Libya: News and Views      LibyaNet.Com      Libyan music      Libya: Our Home

send

الأحد 7 ديسمبر 2008

previous letter                 next letter                 list of all letters

أرجع يا سيف لينا

أرجع يا سيف لينا وين ماشي ومخلينا
راك تمشي وتسيب السياسة وأنت أحسن وأدكى واحد فينا
الشباب اليبى يطالب بيك أرجع ياسيف لينا
وخليك داير زى بوك واجثم حتى 40 سنة علينا
الى قتل وأحبس وشرد وانفى اليبين من البلاد ديما
ولحقهم فى الخارج وصفاهم وصادرأموالهم ودمر
بيوتهم وخلي الغولة عايشة فيها
ودمرالشباب ودمراحلامهم واقعد أنت وبوك فيها
أني سيف وأمي صفية وبوي القدافي ومرتي يهودية.. كانكم مستغبين فيا
خشو اليوتيوب وشوفوا أفلامي أني ديما البطل في المسرحية
وشوفوالنساوين صحباتي الي مدارين دوره بيا
أني ياليبين مانيش فاضي بيكم
فاضي نعبي في جيوبي ونربي فى حيواناتى
راكم تقولو هادى فلوسنا وثروتنا طز فيكم هدى ثروة بوى ونساباتي
والله الي دايره فيكم بوى شوية غير ناخد الحكم توى نصفى معاكم حساباتي
ياحقراء!! زي ماسماكم القايد في كتاباته
القايد خط أحمر وسيدكم ومانبدلاش بيكم حتي بشناباته
والي مش عاجبه يشرب من مية البحر
لكن ماتكلمونيش في القدافي وأنجازاته
أنجازات القدافي واضحة ومعروفة
كان تهديم وتكسيروتفجيروتجهيل وتقتيل......
وتشريد شوية فيكم مانيش عارف أنجازات القدافي بالنسبة ليكم
أني سيف وبوي سيف وزوز سيوف شوية فيكم
رضيتم بالحكم ولامارضيتم حناخد الحكم بالسيف عليكم
هدا علاش بوي سماني سيف باش نقطع بيه ارقابيكم
مالا ليش بوي سماني سيف؟
بالك سحابو.......حاندافع ونرد العدو عليكم
أني اليهود أصحابي واعمامي وأنساباتي
وحتي ولدي حانسميه شمعون أبريزاتي
والراجل فيكم يتكلم و يرد عليا
ودينى نفجره هو وعيلته ومانخليلاش حتى وصية
زي مايديرواليهود الصهاينة فى فلسطين شوية
أني قاتل ومجرم ولكن زعميته ندافع عالانسانية
ندفع باالملايين للمختطفين باش العالم يقول....آه ه ه
سيف حنين والمفروض يحكم الدولة الليبية
وموتو يا ليبين بالشوية..... بالشوية..... بالشوية
اطلعو الي الشوارع وقيمو صوري وأهتفو بحياتي
وخلوني جاثم علي صدوركم
زي ماكان ومازال مداير باتي
ليبيا حوازة وبوى يملكها
ليبيا ليا ولي أختي وخوتي وامي صفية
وأنتم ياليبين حرام فيكم حتي الحرية
ياسركم تاكلو الدقيق و الشعيروالرز ولكاكاوية
وخلوالنفط ليا ولبوي وللجماعة الي دايرين بيه
لاأحزاب ولامعارضة ولاحتى ديمقراطية
عندكم بس.... المؤتمرات الشعبية
ادووللصبح....والقرارات خلوها عليا
لا..ليبيا الغد و لا..البعد غد هده بصراحة كدبة و اسمها
دكتاتورية
هدا هو سيف.. ياناس اصحومن النوم وخلوكم فايكين شوية
وقولولا باالصوت العالى طز فيك و طز فى بوك وتحياتنا الى الدولة الليبية
مش الجماهيرية
أداعة القنفود المرئية
الي تزيد الضغط والسكر والامراض العصبية
هدا هو سيف ياناس والله ماهواش صاحب قضية
زيه زى بوه الى نحى من الليبين حتى الوطنية

مع تحيات الكيلانى


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home