Libya: News and Views      LibyaNet.Com      Libyan music      Libya: Our Home

send

الأحد 5 اكتوبر 2008

previous letter                 next letter                 list of all letters

قالوا ... وقلنا

قالو. يوسف شكير أعتزل السياسه و حتي موقعه الاكتروني سكر
قلنا : بعد مكمل كل المعلومات و الجماعه معادش يدفعو شكلهم

قالو . الخوجه مريض
قلنا : الله يشفيه

قالو. فيه جماعه محسوبين علي المعارضه تسرب في معلومات لموقع الخوجه
قلنا: نعرفوهم بعضهم في سويسراء و الاخر في بريطانيا مع الاتصالات بجماعة امريكا

قالو.اغنيوه ينشر في كل شئ من كل الليبيين
قلنا:هذه هي حرية الصحافه .تعلمو لا حمد و لا حميده

قال. صاحب غرفة التغيير كل يوم في البالتوك
قلنا: لا شغل و لا مشغله و المؤهل ربي ايجيبه,أيرحم علي وزارة الشؤون الاجتماعيه "الكافره" في بريطانيا اللي فلوسها من ضرايب القمار و الخمر ممكن تكن حلال

قالو . القبايلي كان مع ابوالنيران و سرق فلوس النفط
قلنا:شوفو الي قبله مع من خدمو و شن دارو

قالو.فيه فروخ جدد ادعو المعارضه و شوهوها
قلنا: خلوهم يتعلمو الطريق طويله و كل واحد أيبان و ينعرف

قالو. دكتور ليبي من تكسس يدوي في البالتوك و ميسكتش و مرات ايكرر في نفس الجمله لمدة شهرين
قلنا : خلوه يتعلم الصحافه قالو تخصصه و التكرار ايعلم الشطار

قالو. طرابلس كلها هدموها
قلنا : من زمان

قالو.الليبيين الي في الخارج غير متعاونين
قلنا: هم الي في الداخل متعاونين

قالو. ليبيا بتوزع الثروه في سنة 2009
قلنا:هذه مش اول توزريعه متوزعه من زمان بس مشفناهاش

قالو. ان سواني تيكا يشتغل مع يوسف شاكير
قلنا: توه ياخذ مكانه

قالو. اين نشاط المؤتمر الوطني للمعارضه الليبيه
قلنا : هو قعد فيه مؤتمر

قالو.ان جماعة المؤتمر الثاني مشفوش بعضهم من لقاء لندن
قلنا : هم يعرفو بعضهم قبل لندن

قالو.اسعار النفط زادت
قلنا: رواتب الليبيين نقصت

قالو. بعثات كثيره الي امريكا و بريطانيا
قلنا:واجدين امن داخلي داخل ليبيا لازم من طلوعهم

قالو.قالو اين المؤتمر الوطني للمعارضه
قلنا: الذين أسسسوه بعدو عنه

قالو.بعض جماعة الاخوان راضيين علي الاصلاح
"قلنا:مش اول مره رضو قبلها في مصر و السودان" بالنميري و السادات

قالو. أللجان الثوريه ميستحوش
قلنا:لكن ايخافو بس

قالو. ألآمن الداخلي و الخارجي كاثرين
قلنا : بالبلاش ايبصو في بعضهم

قالو. من هو عادل الزاوي
قلنا:من الزاويه و اللي مش مصدق ايشوف اليو تيوب

قالو.من هو محمد الذئب
قلنا:راجعو لجنة العمل الوطني أو ابعثو ايميل لعادل الزاوي

قالو. لماذا لم ينضم شلوف للمؤتمر الوطني الاول للمعارضه الليبيه
قلنا:أيراجي في باقي الاتعاب من المكتب الشعبي بفرنساء

قالو.لا يوجد تواصل كبير بين الليبيين الي في الخارج
قلنا:هو فيه تواصل بالداخل

قالو. بيلغو الوزارات في ليبيا
قلنا:هو فيه وزارات اصلآ

قالو.البراكه يفتح في غرفته لكن ميتكلمش
قلنا:مشغول في التسجيل

قالو. البغدادي من جماعة اللجان الثوريه
قلنا:مدخلهاش لانه كان في مصر من 1973 و تأسست بعده

قالو. فيه شباب كثير ليبي يشتغل في أورباء و امريكا
قلنا:اسعار النفط زادت و الاعمال نقصت

قالو.محامي لوزان لم يضهر علي البالتوك كثيرا في الشهر الماضي
قلنا: شكله صائيم و ناوي الحج في هذه السنه

قالو: الشرق عواقير و الوسط ورفله و الغرب نوائل و محاميد "مقوله ليبيه
قلنا :هذاك زمان توه الدنيا بالعكس

قالو. المسلسلات كاثره في شهر رمضان
قلنا: من يتفرج عليها قبل رمضان ؟

علي بن ضو
alibendaw@hotmail.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home