Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

إلى قطوس الطوابين..

في كلمتين يا عيسى عبد القيوم.. او يوسف بن فلان... لما نتصفح الشبكة الليبية.. ونلقاك ماد وجهك الأربع وعشرين ساعة في مواقع المعارضة يخطر علي سؤال...... انقول ليش ها البنادم يتعب في روحه.. ويدهّش فيها.. المعارضة يا بوها.. تعرفك انت من وعلاش مزروع في شارعها.. عارفين طروحك من زمان.. اتي والله لو تكتب بمية الذهب (ماء) مانك قايل فيها حاجة جديدة وإلا حاجة فيها ثمرة... مقالاتك تافهة وخبيثة مليانة بالدس والنميمة واللقاقة... ولهذا يا إما تمشي تلعب مع اندادك أو اتدوّرلك علي عمل شريف كول منه خبزتك بدل خبزة سيف المعجونة بدم الليبيين.... سيف القذاقي اللي رماك إنت والحثالة اللي زيك.. رماكم زي ما يرمي الكلينكس اللي يمسح بيه... الخيانة ميش بس خصلة شينه.الخيانة عاقبتها شينة وتجيب الجلطة حتى كانه وجهك ابرد من (....) حوات. ولكنك متعود على اللقاقة والبرادة وصحة الوجه.. آهو ابديت تلحن لجماعة التقرير السياسي.. عدي اتمسح فيهم وخوذ ابخاطرهم بالك يجيك منهم رزيق.. بالاخص ان الناطق الرسمي باسم الهيئة يوزع في الفلوس اللي واخذهم من (...) على اللقاقين امثالك.. يا راجل استحي.. واجعر.. وإلا امك داعية عليك يا اما خادم لسيف او خادم لجماعته في المؤتمر اللي.. حتى هم ضربهم صاحبك كالشو من قدام خيمة بوه.. كليتوها انت واياهم يابسة حتى كانه... ميش جديدة عليك و لا هي جديدة عليهم هذو من زمان بايعينه هذو الجماعة اللي خانوا جبهة الإنقاذ.. وما عاد ينعبى عليهم لو فيه تريس امحصحص... وما دمت انت اتلق اتلق واللقاقة هي حظّك من الدنيا هاوينه علي الترهوني .. ينفعك راهو.. حتى هو وراه تاريخ كبير امعبي بالإنتهازية وتبديل الأدوار وعلي كل سكة يركب..هوينه بي يدير حزب املقط فيه حثالة البالتوك.. بيش يخش بيه المؤتمر.مافيش أحسن منّك لوظيفة برّاح الحزب.. كانه خلاك مدير الدعاية امتاعه المريض شعبان معيو.... يا والله عليك شرمولة.

يا عبد القيوم ... خلّك في رمادك زي القطوس النسراف..اللي متعود علي التمحميس في الطوابين .. ولا تتكلم عن الشرفاء اللي عرفناهم في الشدة والرخى عرفناهم رجال وطنيين روسهم يابسة وما يبيعوش ليبيا مهما غلت الأثمان. رجالة زي المقريف والحاج غيث سيف النصر وصهد وسالم اقنان و.. بن سريتي ولملوم وبو العشة هؤلاء هم اللي يديرلهم النظام ألف حساب.. وهؤلاء اكبر منك ومن مناضلي البالتوك الذين يقابلون سيف في السر ويعارضو في بوه في العلن... ولعلمك اذا انت داير روحك تفهم في احوال المؤتمر الوطني المختطف من البزناسة.. فإن بو العشة ورفاقته لم يعلنوا انسحابهم من المؤتمر... هم جمدوا مشاركتهم في هيئة المتابعة.. جمدوا... يا..... وجمدوا غير قولة انسحبوا... واظن ان الهيئة غير المؤتمر.. يا... وهم جمدوا عضويتهم في الهيئة احتجاجا على التقرير السياسي الذي اصدرته اللجنة السياسية وسرّبه أمين الهيئة والمنسق العام بدون ان يتم نقاشه والموافقة عليه من قبل أعضاء الهيئة.. القصة منشورة ومعروفة حتى للعيل الصغير.. ما قريتش وإلا شنو.. وأسبابهم معروفة وتكلموا عليها بالفم المليان وسمعناها منهم على البالتوك العام وليس في الغرف المقفلة كما يفعل الهلالي وبريك وشلتهم... اللي اللون الرمادي يهون معاهم.. هؤلاء لونهم زي تاريخك و تاريخهم الاسود.. خليك يا بابا في رمادك... والعب واقف... وما تديرش روحك ذكي وفهلوي... فأنت ميش أكثر من "فاسق جاء بنبأ" أي من الذين شهد عليهم الله ورسولة...

وأخيرا والله اذا كنت "كاتب" زي ما تتوهم راني حلفتك براس سيدك وولي نعمتك سيدك سيف القذافي... ان تتوقف عن هذا التفتريش اللي تكتب فيه.... ولكنك ميش اكثر من مخبر انتهازي تكتب في تقارير لنظام يحتقر فيك لأنه لو كان اهتم بك يوما لما كنت تتابع هذه التوافه اللي اتخربش فيها زي خالتي فجرة التقازة...... اسكت يا .... وهني روحك.. وبلاش رزالة وتمسليق... واغسل فمك بالواركينا لما تتكلم عن الشرفاء وتقارنهم بك.. انت قطوس الرماد.. ولا بارك الله في غيرتك وحسدك وأحقادك ولقاقتك.. وإذا كان في البومة خير ما طلقوها الصيادة... فحتى الجماعة المقاتلة اللي كنت انت مخترقها ما عرفتش تربيك وسلمت فيك أو تخلصت منك وخلاتك اتنش واتدوِّر فيى راس من اتعشِّش ... لكن احرار ليبيا يعرفوا سيرتك الشينة.. وأخلاقك المشينة... وهذا قليل من كثير.. يا قطوس الرماد المسمى عيسى عبدالقيوم .....!

المتـكنطي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home