Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

كفاية سيادة الدكتور المفسر الجديد مصطفي

اولا اكتب اليك عبر الانتريت لانه لا يوجد عنوان بريدي ايميل لتكون النصيحة والنقاش في السر .

لكن ياسيد مصطفي ان امرك خطير وخطير جدا ، ليس فقط علي نفسك ولكن علي شوية الشباب الليبي الي حالته متلمحة خراب وفساد عقائدي ثم تجي انت وسيدي بوجناح والمحامي المعتوة وسايمان الجبان وامارير والبقية في التشكيلة الناكرة لوجود الرب او جاهلة حتي الوطي .

انا اولا لست بعالم او فقيهة متبحر في الشرع وايضا والاهم لا احكر علي اي مخلوق زين او شين فكرا وشكلا بعدم الاجتهاد والجري وراء الوصول الي الحقيقة فخذ راحتك في شكوك واللخبطة الفكرية التي تعيشها او ربما انت مجند من اللجان الثورية او ربما من القدافي بروحة ان تأخذ دورك في الحملة التي قلت ومهدت لها الطريق وتخدع رقاد الريح والبسطاء من شباب البلاد ثم تبدأ في التشكيك في السنة النبوية وهذا ما سيظهر في مقالك الجاي قبل لا تموت وخذ بالك في اللعبة الخطيرة عليك وعلي عيالك بعدين يادكتور الصغير والكبير عرف الان انك اولا .

كثرت واجد واجد من " انا " هذة الانا الشيطاينة الي طلعت وطردت سيد السفهاء والجبناء والكفرة والمشكيكين من اتباع ابليس وتعرف قصته جيدا لانك واضح تعرف علوم وقران واجد واجد لكن مثل اخر الوقت والوقت برئ من هذا كله انت تكتب وتفسر فمن انت ياالمفسر الجديد ؟

ولمن تعمل ؟ ومن اجرك او حطك في الورطة العقائدية والدين .

توا قولنا يامفسر كبير هل البلاد الان وهلك في البلاد حالتهم مهربدة وفقراء وشحاتة في سوق الجريد وسوق الثلاثاء والخميس وغلبهم المرض وهبلهم صاحبك العقيد الذي تعمل ما يريد هو سواء ياسيدي شعرت بهذا او لا ما شعرت وعرفت ، انت تخدم في هدف السيد الكبير اللي راكب علي الشعب كله كلة غصبنا عنا جميعا ثم تخرف في امور الدين والشرع وتظن ان عيال البلاد اغبياء .

اكيدة اليوم يقولوا من هذا الهبل الجديد الي بيخرب علينا ديننا ؟ مش كفاية 37سنة سوداء تخريف وتلخبيط وفساد وتنغيص المعيشة ثم يجي امثالك بالترويج لطعن السنة والتشكيك فيها والتعرض للعلماء البخاري او مسلم ، وستقول هم رجال ونحن رجال وبشنبات طويلة وفحول نفكر ونجتهد وندير اللي يبية الراجل يعني نريد اللي يبية ابليس وهو علي فكرة يبي امثالك فانت بضاعة مزيانة واجد ونادرة في عالم الدين والفقه .

ثم في مقالك الاخير انت جاوبت بروحك بروحك وايلا بنفسك علي الساعة وعلاماتها دون ان تدري وكما قلت اعصار تسوماني هي علامة من العلامات الواجدة المذكروة علي النبي الكريم صلي الله عليه وسلم زلازال وقتل واعاصير وفياظانا وطغاة ودجالين دجالين فكرا وعقيدة وحتي ان تظاهروا بمعرفة بعض الايات هنا وهناك فالشباب الليبي يعرف ان هناك قوم ظهروا وديمة يظهروا يقروا الكتاب المبارك خير مني ومنك ويعرفوا الاسلام احسن مني ومنك وديروا في كل شئ كويس لكنهمو يمروقوا من الاسلام كيف السهم لما يطلع يجري ليقتل الذئب او الي يخرف ويهذي طيعا مش امكتالك .

ياسيدي الدكتور من انت ان تقول انني لم اجد مطلقا في تلك الاية ما يدل .. او الانا الكثيرة خبرنا عن نفسك وعلمك او انت شخص واحد للدكتور الفيتوري او المكلف الجديد من معمر لتخرب او تزيد في تخريب عقول الشباب توا اكيدة ستقول من هذا اللي يخرف ويتطاول علي انا انا انا كيف يهذي السيد الجديد .

حقية معنديش وقت ولا جهد لاجلس اكتب وارد عليك وتفنيد كل ماقلت عقلا ونقلا ولكن انخلي الامر لاهل الدين والشرع وهذة مسئوليتهم وهنا انبهم واحذرهم بتقوي الرب والرد علي هؤلاؤ السفهاء " مش انت " لكن الخرين اللي تعرفهم ويردوا علي دينهم وقولوا له من سيأتي بجهنم ؟ ومن هم التسعة عشر ؟ ومن هو خازن النار ؟ وقلولا حتي كيف ستتكلم وتقول " هل من مزيد " مافيش شوية اخرين تافهين مشككين او من جماعة الطياح مزال واتباع المستشرقين واعداء دين شباب البلاد المسوطين اللي ان شاء الله ما تخيل عليهم خرافات وتحليلات امثالك .

سامحني يادكتور مصطفي لكن لان دورك خطير جدا وانت تلعب بالنار فخذ حذرك واسأل الناس اللي تعرف واكتب ايميلك اذا اردت الناس ترد عليك .

شكرا تصبحوا علي خير .

عبدالعزيز حمد


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home