Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

بعد السيف علق منجل

عرب حمير...عرب ما قبل الإسلام... بربر... أما زيغ... سيف امازيغي... الناس اللي في الجبل والتو ارق...انقراض الامازيغ... البربر... خوتنا في الجبل... نعرفوكوم البربر والا الجباليّـة شن امازيغ ما اسمعناش بها قبل...(كسّ جابت ميو)..!!
مناورات وقوائم اوهذا يحضر اوهذا ما يحضر اوهذا متطرف والآخر ماتحضروشي بالك إيقول كلام قوي ، اُومشاكل في جادو اونالوت وزوارة اوكاباو اويفرن اعلى من يحضر الفصل الأخير من مسرحية سيف ، والمكلفين بجمع ها لحضور الكريم ما يبوش يتـناقشوا مع حد.. ! هولاء المتسلقين والانتهازيين المتاجرين بالقضية الأمازيغية واللي هي أكبر منهم اومن صاحبهم هذا وأكبر من بوه ، وحتي الاجتماعات اللي داروها كانت شكلية وهم متفاهمين بكري. ولكن اللي تاسّـفتله أو غششني حالة الوضع المتردية والتسابق على إرضاء ابن الطاغية واللي استاقضلهم واستاقض زي ماقال: ((هي موش زعامات)).. أخسارة والله اوفاجعة زي ماقلت موش على كلامه اولكن على الوضع اللي فيه الأمازيغ اوهالزعامات اللي طلعت علينا فجاءة من بعد زيارة سيف لي يفرن اوركبوا على جواضيرهم اوطلعوا فرسان الكلام ، اوكل من موش امعاهم هو ضدهم أو هو ضد الأمازيغية وللي طلع يبي ﺇورتها لأولاده وأحفاده . أنا أنشوف أن أحنا أهنـّا أرواحنا اوصّلنا أرواحنا إلى هذا الوضع المخزي اللي خلا ابن الطاغية يسخر مننا ويقول ((انتم نعرفوكوم بالبربر أو اجبالية)).. ونقولولك أحنا من هالمنبر أمازيغ اوغصبا عنك اوهَذي أرضنا واللي موش منها يرحل اليوم والا غدوة ، والأمازيغية ستكتسح ارض تامزغا عاجلا أو آجلا ، اودماء الشهداء ستكون وقود لنا من أجل استرداد كامل حقنا وأرضنا المغتصبة ، اومفيش من يزايد علينا في الإسلام هذا ديننا اوراضين به ، اومفيش حد وصّي عليه ، اومصيركم يا زيف زي مصير صاحب بوك في الشرق.. اوتوه انقوللكم استاقضوا يا مازيغ اوهذا درس ليكم في التعامل مع هولاء الطغاة وارفعوا روسكم الفوق وهالكلام لا يزيد لايوخر لإن موضوع الأمازيغية كبير عليهم هلبا ... اوبعدين أتفرجنا على زيارة اشكال لي يفرن.. مناضلين اوليهم تاريخ كبير في النضال او فيه اللي من جماعة رابطة المغرب الإسلامي كيف كعدوا يتملقوا لأشكال والقايد والثورة اويبو حتى إيترجمولهم الكتاب الأخضر بالأمازيغية !! والا اللي اكعد يستنى في اشكال آمْتا يركب في السيارة اوكاله قصيدة تقول ( اس امزوار ن سبتمبر يوسانغد امناي .... ونشاء الله ايدر بو منيار وتميري في ﺇدورار ...) شفت هالقصيدة محلاها. هدية لخوه القايد اوهو محسوبك من المناضلين الآمازيغ ؟! والا الجماعة اللي في جادوا اللي قالوا هلبا لأشكال..! وأنا ماننكرش أن هولاء أعطوا للقضية الامازيغية الكثير لكن أعلاش هذا ..؟ وصّلوا ارواحهم لهذا المستوى اوتفهّوا القضية وعلاش هالتسابق لإرضاء سيف..!
ونصيحة من هذا الموقع لهؤلاء الأمازيغ((البربر)) عليهم أن إيراجعوا أنفسهم ويحاسبوها لإنقاذ ما يمكن انقاده اوبعدين وين فرسان الكلام والألفاظ أمام سيف في هذا اللقاء..؟ فيه اللي ريته في القاعة اقريب طاح لمّا شاف الجمع مختلط حتى من اللجان الطورية ، وعلاش ماردوش اعلى سيف على هَذي الإهانات اللي قدمها لينا..؟ والا كان في الوسّع..! ، الله غالب أنا ماعنديش القدرة وموهبة الكلام اوبعدين أنا من الجماعة المغضوب عليهم ماسجلونيش لأني موش من عايلة::::::: أو عايلة:::::: ومشيت أتطفل.. باهي اللي الجماعة اتحشموا اودخلونا للفندق لوكان اكعدنا البرا اراهو كلب التفتيش ادعس علينا !!!، فأصحوا واستاقضوا .. استاقضوا .. استاقضوا يامازيغ لأفلام هولاء ... سيف هذا لاهي في النفط والدولار موش لاهي ببنادم .. بالك يهرب اويلكا ما يصرف بعدين في المهجر كان أنجا من الليبين الشرفاء..! ، قالوا فيه كلام صدّره سيف لجماعته اوملوه اعلى الأمازيغ باش إيقولوه في الاجتماع اوقالوه في القاعة زي ما يبي مثل موضوع اجماعة البرّا ووووووووالله أعلم ...؟؟ أنا اتفرجت على عارهم في حاضرة الأمازيغية يفرن في الفيديو آمتا استقبلوا اشكال والتملق أمامه وووو... ، مانبوش ندكروا الأسماء ماهو اعاد تاوالت حرصا على الوحدة الوطنية ((المفقودة)) بعد زيارة سيف ليفرن اوحساسية الظرف منعوا نشر الأسماء في عصر العولمة والحوار، لوكان خليتونا عريناهم بالاسم راهو وقفوا عند حدهم ... ،الوحدة الوطنية المفقودة موش من النظام.... لكن من المناضلين اللي يتسابقوا على رضاية الحاكم اويسعوا باش إيفتـتوا التلاحم باش يضهروا همّا في الصورة والزعامة ماهو القاعدة في ليبيا اللي يبي يوصل لازم إيفتن ويفكك اويزرع الشقاق والتـناحر بين الخوت.واتهامهم كل مجتهد وناشط بتهم باطلة خسيسة خايفين افوتهم اوياخد امكانهم اوهادي أصبحت علامة مميزة علي وجههم. اوهذا اللي موجود والمؤسف انه من ناس كبار في النضال...! واحد عالق مع عبدالله عصمان.. والآخر مع نبيل.. والآخر مع بوخريص.. والآخر مع عريبي.. والآخر مع باديعة.. والآخر مع أيمن... ولأخر مع حبيل... أوفيه اللي مازالوا إيدوّرو مع من يعلقوا ، والحبل على الجرارة اويستر الله ، المهم حكاية البربر.. آسف الأمازيغ في ليبيا ماطمنش العباء عليكم ياجماعت البرّا اوكمّلوا جميلكم اراهو الحكاية الداخل واكلة بعضها ..
كيف حكاية الكلب والتفتيش به على البربر..؟ هذي مادارهاش حتى بوه شوفت هالزوقطي والا..!
وفي المستقبل لن نسمح لمرحلة الذل و الخنوع و التملق و الانسلاخ بعد هذا النضال المرير وتضحيات الشهداء من أبطال الحركة الأمازيغية ، وسيتم تعرية جميع هولاء الغوغايـين والانتهازيـين المتسلقين على حساب قضيتنا الامازيغية وفي جميع المواقع الليبية ، ولن نراعي أيا من كان وقد اعذر من أنذر.
تنميرت

الكاتب : :إفاو ن ليبيا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home