Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

مرة اخرى مع الاستاذ عـيسى عـبدالقيوم

البسوك الجماعة ياعيسى, من رسالتي الاولى وبعدين زادك ولد البلاد وختمها عيسى بنقا بجول

انت مشكتلك مرة فى الشرق ومرة فى الغرب, ياراجل راك كثرت واجد علي ماوصوك من صّورك الى مقالتك الى سفرياتك يارتهن هالمواضيع الى ينفعن, وكانك قعدت مطّرف كيف زمان بالك خريك من هالى تكتب فيه توة, وبعدين تنشر عند اغنيوة وعند اخبار ليبيا وعند جيل وعند المنارة وهو نفس الموضوع ونفس القراءّ, مزالك الا ليبيا اليوم, سؤال: من الي مستكّرد الاخر زعمك!!!!!!! همّا ولا همّا

شكلك وليد بلاد ياعيسى, ولاكن كان يبوا يقعدوا يلبسوا فيك الجماعة فى الانترنت راهو برنامج مش هو بكل, دورلك على سراكة اخري خيرلك ياري , ولا اسمع عندي لك حل اخري قول للناس انت شن تبي فى خاطرك وبالك يسمحوك ولاكن تقعد كل يوم فى وادي مش هو الحال بكل.

والكلام هضه مش لك انت بروحك, راهوفى واحد اخرى اسماه عبدالحكيم الفيتوري امد يّر روحة دكتور, تره سؤال ياخوي: منين محصلها شهادة الدكتوراه بتاعك, يخطّر علىّ فى خالد فاضل بتاع مسلسل الامانة ,- للصغار فالعمر هضه مسلسل سوري شيوعي من بطوله أحمد زين- ويحلم فيه خالد فاضل باابي ذر الغفاري, وحتي عبدالحكيم هضه شكله يحلم بابن عباس مرة وبأبي ذرمره اخرى, ومرات يطلعله فى ابن تيميه.

كل يوم يطلعلنا ببدعة جديده. تي هالعلم الي ينزل عليك انت والترابي كنّا مينزلش عالعلماء الاخرين. بالله شوفنا زواج المتعة ولاالخمره خليها تبحبح للجماعة شوية اكثر ماهى بحبه مع البولنديات. ومتنسش الارقيله حتي هى جوها سمح راهي فكنى من ولايه المراءة وقتل المرتد خلينا فى الجو السمح يامسوط..

اخيرا نقولكم انتم الاثنين راهو يكبر الواحد ويقعد ملطشه حتي هي مشكله, سكروا عليكم حيشانكم ولا شوفولكم اسماء مستعاره جديده اكتبوا بيها ولكن راكم تحطوا صوركم وتغلطوا-مش عارف ياعيسى كيف حتصبر على هذه.

وتوه نسيبكم على امل القاء بكم فى ؟؟؟؟؟؟ جديده

امراجع عـفايس


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home