مرة واحد اسكوبت بيه قوومة قريب من جزيرة الدوران, وكان معنداش سكورطة.
اذكر انه عنده صاحبه يسكن قريب من جزيرة الدوران, قال توة نعدي ناخذ منه سكورطة. وهو ماشى لحوش صاحبه, خطر عليه انه تكها معاه اخر عراسة تلاقوا فيها, فشاور عقله وقال توة يقول ماجاء الا لما استحقليى .
وبعدها شاور عقله مرة اخرى قال لالا هضه عتربي والساعه مايردنيش .
وبعدها فكر اخرى وقال لالا توالله هضه "مف*****" والساعه يقولها .
وبعدين فكر عكس ذالك .
قعد على هالحاله لعند وصل لحوش صاحبه لما دق الباب طلعله صاحب الحوش صديقه , وكانت اول كلمه قالها له صاحبنا "ملح انت والقوومه بتاعك" انتهى .

توه حتى انتى ياشبلى توة .
عيسى عبدالقيوم صاحبك, حبيبيك, كنتوا مع بعضكم زردتم مع بعضكم تهو كيرز (بالانجليزي طبعا), تمن الى يندرى عليكم عيشين ولا, توالله ماهو صايرلكم الا كيف صاحب القومة الى يشاور فى عقله. والناس الاولى قالتها يقولك فلان يشاور فى عقله.

امراجع عفايس