Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

أنذال البالتوك ورمزهم

قبل ما نحكيلكم عن أنذال البالتوك، نبي نعطيكم شوية معلومات عالماشي علي اللي يسموا فيه رمزهم محمد حسن الرضا.
المعلومة الاولى.... الملكية مرتبطة بالمرحوم الملك إدريس.... والثانية... الملك إدريس مات........ والثالثة.... الملك إدريس كان زعيم طريقة دينية... والرابعة.. الطليان هم اللي عطوه لقب الأمير بمرسوم ملكي إيطالي. وعينوله راتب سنوي ومصرفات عامة لاتباعه... والخامسة... الانجليز هم اللي سموه ملك وحطوه على عرش ليبيا.
الملك أدريس عا العموم كان رجل صالح اذا كان غمضنا عيونا على علاقاته بالانجليز.لكن حاشيته وحكوماته كانت فاسدة وعميلة للأمريكان والإنجليز.
ولي عهد الملك الحسن الرضا، والد من يتسمى اليوم بالأمير محمد الرضا كان رجلا ضعيف الشخصية. مشهور بخوفه وعمالته للطليان من صغره. لما كان مراهق صغير عينوه الطليان على دور سماه المجاهدون الشرفاء بدور الدقيق لأن الطليان كانوا يعطوا لأتباع الحسن الرضا كميات كبيرة من الدقيق ورواتب شهرية في الوقت اللي كان فيه المجاهدين والشعب الليبي ميتين من الجوع.وكان المطلوب من دور الدقيق محاربة المجاهدين.... اقرو التاريخ كويس.المشكلة في الليبيين انهم ما يقروش وهذا هو واحد من الاسباب اللي خلتهم واتيين للاستغفال باستمرار. جاءهم ملازم سرتاوي معفن واستغفلهم بشعارات مزيفة لين تمكن منهم و اتسلط عليهم وفقدوا الأمل في التخلص منهم، فاستسلموا له زي النعاج،وبكره يستلمهم ولده سيف.يعني قيام المملكة القذافية. والكاينة انه حتى اللي في ساحة المعارضة يتمتعوا بنفس البلاهة وتسكير الراس.. وفيه منهو اللي يقولوا انهم معارضين ويلعبوا في نفس الدور اللي يلعب فيه زملائهم اللي في العظمى هذوكا حايطين بالأمراء سيف.. والساعدي.. ومحمد... وجماعة المعارضة سكتوا سكتوا وطلعولهم بأمير يلعبوله في دور الخدم والحاشية ... آمتا نتخلصوا من ها العادة الغبرا... شن هذا يا ناس... وين يتلفت الواحد يلقى ها الاشكال ..أتباع وذيول وخدم وشلواشة.... شي يشرك الشلاتيت... واللي أكثر من هكي انهم يلعبوا في نفس الدور...دورالخمان... معناها لاستغفال ... معناها الطواجين...يعني ما فرقتش هذوك يدعوا الثورية وهادو يدعوا في الوطنية والنضال ضد الديكتاتورية..... واللعب راسم توا بين ثلاثة جهات..شلة فاسدة من الفروخ اللي طبوا على المعارضة حتى هما بطريقة طب زن.... نصفهم رتب في أمن الجماهيرية وهدي هي الجهة التانية.. والجهة الثالتة محمد الرضا وهو من اخبث من في العيلة ... لأنه واحد مصلحي حتى هو.. وبدي يبعزق في الفلوس بيش يديرأتباع ويقول البعض انه لا يبر لا بأمه ولا بخوته.. هل فيه فرق بين الفروخ اللي يتبعوا في الساعدي وسيف وبين الفروخ اللي يتبعوا في ما يسمى بالأمير محمد السنوسي..... يا ودي ما أظنش فيه فرق بين أعضاء الروابط الشبابية ومؤسسة أمن الجماهيرية!!!!!!.
أما من جهة أخلاق محمد الرضا ما فرقتش معاه حتى هو عائلته يشكوا منه... واللي يعرفوا الدكنوني.. يعرفوا ان بيت ولي العهد سابقا الحسن الرضا شايط من تصرفات ولدهم محمد... ومن مطالبته بأن يكون ولي عهد... وزيدك يا زايد هوينه يبي ينصب روحه رمز للمعارضة... واللي فاتاته ندوة الجيش يوم 9 أغسطس في ألمانيا يدور عليها ويراجعها.... الجوقة بدت تعزف اصواتها النشاز وهما متأكدين من أنهم بعد ها الاجتماع اللي داروه خلاص ناضلوا لين انكسرت ظهورهم..واللي يخلي حتى راقد الجبانة يتكنطي انهم يعتقدون انهم ضحكوا على السميعة متاع البالتوك... وقالك الاستاذ الشارف لقي الليبيين في الشارع الالماني يطالبوا بالأمير محمد .. واحد يسأل من يا جماعة الرمز.. والثاني يقول ما نطلعوش الليلة من البالتوك حتى نبايعوا الرمز... شي يضحك.... ويبكي .. واحد شلواش نصاب مثل كعوان.. مدير البروباقاندا الانتخابية متع الامير... ومعه بقية الصطاف.. شلة الأنذال من نوعية عادل الزاوي اللي ما خلى تنظيم وإلا جمعية الا وسجل روحه فيها.. بالك هذي وحدة من مهماته الأمنية.. وسامي بوالاسعاد وما أدراك بسامي اللصقة واحد كذاب وحقود.... وصاحبه اللي يسمي في روحه عيسي وهو مخبر في أمن الجماهيرية و حتى تكمل المتعة النضالية خلط عليهم المعتوه الخرياط شعبان معيو أو فرج 6. بلسانه المسخ اللي وين يتكلم يدره الكبيدة يا بال تشوف خليقته وخلطة النفاق والوصولية اللي حاطها ماسك علي وجهه....وصاحبهم الفروج المنتف حسن لامين اللي وين يلقى زحمة يدك صبعه في وذنه ويقول ووووووووه .. شلة منافقين بياعين كلام وذمة...
والمصيبة أن معارضين كثيرين كنا نتوقع منهم أن يكونوا أذكياء تحولو إلى اتباع للياور كعوان، اللي استطاع بفلوس أميره،اللي شافطها من آل سعود، القيام بانشطة في السويد وفي ألمانيا ويكركر وجوه من المعارضة اللي يفترض ان تحترم نفسها،لتطبل وتزمر.. لسمو الأمير رمز المعارضة وملك ليبيا المقبل. الحاصيلو شيء يحشم. حتى المعارضة اللي مفروض تكون على مستوى عالي من الوعي لا يسمح لواحد تافه شلواش مثل كعوان لأن يضحك عليها ويستخدمها في الدعاية لأمير دور الدقيق... تبو الحق بع... بع... بع !!!!!!!!!!

المتكنطي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home