Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

نصيحة الى حركة العصيان الخيالية

لقنك صمتها يابو صاحب وكثرت على ماوصوك ....ياخى احترم عقولنا وعقول الشعب الليبى ايلى موجود فى الداخل ولو عندك حاجة بالصحيح لله والوطن والشعب الليبى الغلبان ديرها وانت فمك ساكت ومن غير دعايات او تكسير راس فى الانترنت وخلى العالم يسمع بيها من داخل ليبيا .
لعب العيال هذا والتنطط والقفز على اى حدث والايحاء بان حركة العصيان ايلى موجودة فى خيالك التعبان ورائها هو فى الحقيقة قمة النذالة والحقارة لانك اصبحت ياعصبانه شكلك شين بلكل وبعدين خطرها ياعصبانة تى وين الانتفاضة ايلى لك فترة وانت عاملنا عليها مرداح وعرس سمح وعامل لها دعاية وموقع بالالوان واعضاء سريين يعملون بطريقة الخلايا العنقودية ومطرطشهم فى كل مناطق ليبيا وموزع عليهم حضرتك بطاقات خاصة واسماء حركية؟؟ ايش دوتها ..ووين عدت ...تحشم على وجهك ياعصبانة وعيب ايلى قاعد ادير فيه واحترم الشهداء ايلى ماتوا على يد الطاغية القذافى واذا كنت تريد فعلا ان تسلى نفسك انت والولد ايلى عماك وفاضيين وماعندكم مااديروا فالعبوا بعيد ياخويا واتركوا قضية ليبيا للشرفاء الحقيقيين .
واخيرا نصيحة لتنظيم المخلب واسود برقة.. وبوشوال..وحركة خلاص..ومجموعة المخنثين ايلى يتراسها الصايع ليبيا تومى وطبعا حركة العصيان ايلى اعضائها فقط انت ياعصبانه والولد المفعوص ايلى اعماك والى كل من يحاول المساس بنضال شعبنا الابى .
كفوا عن العبث الصبيانى ولعب الفروخ ايلى انتم وغيركم مستمرين فيه سواء كانوا من مخابرات القذافى او من الثوريين المستهترين والحشاشين والذين يعيشون خارج ليبيا باموال الشعب الليبى المسروقة .
الشعب الليبى برىء منكم ومن تصرفاتكم الحقيرة وماتكتبونه فى المواقع الليبية المعارضة من تسالى رمضانية والاعيب قذرة احب ان اقول لكم بانها لا تؤخذ مأخذ الجد اما بالنسبة للقضية الوطنية الليبية فاطمئن شعبنا البطل بان النضال ضد ديكتاتور ليبيا ولله الحمد مستمر حتى يتحقق النصر وينزاح القذافى واسرته الفاسدة من على تراب ليبيا من خلال ايادى وسواعد الوطنيين الليبيين الشرفاء والمعروفين بوطنيتهم سواء الموجودين خارج ليبيا او داخلها .

التوقيع
قارىء بين السطور
________________________________________________

ـ نتمنى من الاخ حسن الامين بان يقدم اعتذار رسمى على نشره للخبر المفبرك (اختطاف ليبى فى بولندا من قبل عناصر المخابرات الليبية) حتى يقطع الطريق على كل من يحاول المساس بوحدة المعارضة الليبية ومصداقيتها امام الشعب الليبى وامام الاعلام العالمى واعتذاره هذا لن ينتقص من وطنيته ونضاله بل سيزيده مكانة بين اخوانه المعارضين الشرفاء اما الذين اكدوا صحة هذا الخبر من امثال (خالد 55) والذى اصبحت عليه اشارة استفهام؟ فهو مطلوب منه حاليا ان يشرح لنا ملابسات وتفاصيل هذا الحادث المزيف وخاصة ان(خالد 55) اكد فى احدى غرف البال توك بانه على اتصال مباشر مع الشخص الذى تم اختطافه وانه تابع عملية الاختطاف المزعومة اول باول ورفض ان يعطى اسمه الحقيقى عندما الح اليه رواد الغرفة.    قارىء بين السطور


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home