Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

إلى المنفي اختياري سليم الرقعي

اول شئ لسليم الرقعي من فضلك ركّح الكارطة وهدّي الكورة شوية واقترح خذ دواء للامساك حتي تراجع روحك من هذة المقالات واحدة بعد الاخرة التي بعضها يدرّه الكبد ولا يصل الي المقصود .

اولا ياسيي سليم لا اعرفك ، وحسبت انك رجل شايب كبير وعندك باع طويل ثم شفت صورتك بالطاقية الانجلزية المسوطة وحقيقة الطاقية مش خايلة عليك ، فكيف تخيل علي واحد من اجدابيا كما قلت علي اصلك .

ثم شفت صورتك بالطاقية الليبية ويبدو انك لم تصل الي عمر وسن الرجولة اللي هي الاربعين عام بالتمام والكمال .

المهم نصيحة سريعة واجد واجد .

1- البلاد الان مفتوحة علي ابوابها بالامس ناس من المعارضة كانوا يكتبوا ويسبو وينقدوا ويجرحوا في النظام ثم حطت بهم الجمال الطيارة في المطارات الليبية وهذا شئ عجيب وغريب ورحبوا بهم وعطوهم حق الدخول والخروج والرقم متاع الكومبيوتر وهم الان حايسين فيها يخشوا ويطلعوا وداروا حتي بيزنس مسوط في كل شئ ، والله يبارك لهم وينفعوا للبلاد والناس الفقراء ، فنقولك بالحق انت هو اللي نفيت روحك بروحك فمن نفاك ولماذا نفوك ؟ .

وتبي تروح ياباتي ما عليك الا الاتصال بالوزير الجديد اللي كان نافي روحه بروحة علي الريشي او حميدة الريشي المهم وزير المغتربين كيف حالك وصدقني سيؤمن لك الدخول وربما حتي يلقي لك خدمة في الوزارة المهاجرين او حتي الاعلام والصحافة فانت كاتب شاطر ومسوط واسهال كلام في كل حاجة ماشاء الله ولا حسد وعين الحسود فيها عود .

2ـ مالك ومال المعارضة كما قلت لك ، حسبتك رجل كبير في السن وتعرف المعارضة منذ زمان وانت طلعت من اجدابيا عام 1995 م وقبل هذا السنة المعارضة مقسمة مئة قسم او في الحقيقة مكسدة كساد باهي واجد ، وبعضها سكروا دكاكينهم وبداوا في اعماله وهمومهم والبزنسي فكيف تخرف يامنفي اختياري بروحك بروحك .

ياسيد لا تكتب علي المعارضة واشخاصها وظروفها ولا تقع فيي ما وقع فيه غيرك .

هل يعجبك الان ما يحكي ويكتب علي صاحبك عاشور الشامس وايلا اذا كان صاحبك حسن الامين اللي نازلين فيه فضايح من الكتابة حتي مرابيع المكسدين في البالتوك .

هل فهمت ياسلومة نجي روحك وفكر الف مرة قبل ان تكتب وانت حر اكتب واكتب لكن لا تكتب وتدوك الراس بحاجات ليست من تخصصك .

اسمع مرة في النهاية عاود لبلادك وانفع شباب اجدابيا وصدقني حتي سيدك وسيد البلاد كلها غصبن عنكم كلكم ربما سيعطي لك وقت ليقابلك في الخيمة السمحة ايش رايك .

عـبدالعزيز حمد
مواطن لا منفي ولا هم يحزنون


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home