Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

قوللي اخي المعارض :
إلى أين تذهب زوجتك... اقول لك من انت

في الأول لابد انوضحوا هذه المسألة فهذا السؤال لا ينقص من قدر اخواتنا الليبيات زوجات المعارضين فهن امهاتنا واخواتنا وحبيباتنا وبناتنا وحفيداتنا،وهن جزء منا ونحن جزءاً منهن.
ولابد من ان نقولو الحق على اخواتنا زوجات المعارضين المزبوطين اللي وقفن مع ازواجهن وابنائهن في محنتهم وبدلن دفء العيلة ببرد المنفى وتشحطيطه. وفيهن كثيرات بنات وطن مزبوطات صبرن وما زالن صابرات محتسبات طاويات الالم والغربة في سبيل الوطن
وعودة لخونا المعارض الليبي اللي يوقف الصقر على شنابه..فأنت يا استاذ مضطر للمواجة والإجابة على هذا السؤال،والنشدة اتدل الذاهب،هل المدام عندك تزور في ليبيا………حتى انحطوا معارضتك في الميزان ونقولولك ماهي مواقفك السياسية.والكلام ليس على الزوجات اللي ازواجهن لا يعلنون معارضتهم..الكلام على اللي يتكتبوا ويعلنوا في معارضتهم للقذافي ونظامه الحقير.
خلونا ننزلوا للواقع ونجيبوا امثلة واقعية..على معارضين وين ما يتكلموا في الفضائيات تلقاهم قريب ينقطع لهم عرف من الحماسة وشدة المعارضة.هههههههه وخوذو عندكم حسن الامين بو عشرة وجوه وجه جديدة،لا نتكلموا على وجوهه القديمة متع البعث.لا لا نتكلموا اليوم على وجوهه الجديدة وجه لسيف وجماعة سيف شمام وجعودة والشامس وجمعة القماطي .ووجه للبالتوك وجمهور البالتوك..وبره شنكة ههههههحسن لامين عنده القضية الليبية كلها بره شنكه.ما شفتش ابرد من ها الوجه….آخ يا ليبيين يا طيبين اللي يجي يضحك عليكم؟.
شد شـد. شـد عندك..واحد ينافس الأمين غير الأمين.
…شعبان امعيو واسمه في البالتوك فرج 6.كان قبل ما يتزوج يزايد على الجذريين ويعتبرهم مقصرين .وكان يعطي في الاخوان على شدوقهم لأنهم صالحوا النظام.ما ان تزوج وعرفت زوجته طريقها الى الجماهيرية حتى خفف من لهجته وانسحب شبراً شبراً..وبقى يغازل في سيف بطريقة ثعبانية يتسحب تسحيب وما صدق ان جماعة الهيئة رضوا عليه بعد ان انسحب من المؤتمر وكان يلقي في قنابله المشهورة في وجه ابريك سويسي والترهوني وينقل اخبار لقائهم بسيف في امريكا وفي الخليج من تحت إلتحت.وسبحان من يغير ولا يتغير….بعد التهديد بالقنابل… اصبح يتكركب ويتكركب زي الكورة بين اقدام بريك سويسي والترهوني.واصبح يخدم بوق دعائي لبريك سويسي ومنصف البوري في حملتهم الانتخابية اللي بدوا يخططوا فيها لعقد مؤتمر ثاني يناسب اصلاحات سيف .وقاله بيش تبيع يا بياع قاله كل شيء بالحاضر. اما المؤتمر الاول حتى هو بره شنكة.
الهلالي…الشيخ الورع اللي يقعد يدوّخ في بعض السذج في الأغبياء من مدمنين البالتوك..وقال الله، قال الرسول،قال ابن تيمية…..واللي يوحي بأن القذافي حاكم مسلم وليس صحيحا تكفيره.وهذا القول وغيره اللي يبشر فيه بالتغييرات التي ستصير في البلاد..الهلالي،زوجته وابنه الآن في البلاد.وبكره ماتعرفش اذا هو اللاحقون..ههههههه
اما بقية المدامات والوشون…فهم يكرسنوا في الطريق الى البلاد.تاركات ازواجهم يناضلو بروحهم …يشيلوا في عبء النضال على كتوفهم من غير ونيس.. زي مفتاح الطيار وأبو ياسين اللي هو ابراهيم قدورة.والحبل عا الجرار.وهذا ميش اليوم والا آمس هذا من زمان.
المشكلة ان الاكثرية البالتوكية تمشي عليهم ألاعيب صبيان سيف .
وللعلم فإن مفتاح الطيار هو المنسق العام للمؤتمر وبريك اسويسي رئيس هيئة المؤتمر….…فلا نلوم الصغار على الرقص.

بقلم ولد الحومة


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home