Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

اسمعوا هالحكاية : رمضان ليبي في البرازيل

خير يا ذراري، بناويت، شيابين وعزايز ناسنا الباهية في ليبيا من شرقاها لغرباها بعد دورة في فزانها، صحت شريبتكم وأسمعوا هالحكاية :

يا ظنايا أنا منكم وعايش في البرازيل من 25 عام فاتو ، روحت مرتين فكل هالسنين، أخر مرة عاملاول، عجبتني البلاد ووليت للبرازيل باش ندير شغلة و ونولي للباهية، صارتلي مشكلة في تذكرتي إلي جيت بيها و راحت عليّ، قلت مادام الحكاية هكي نمشي للمكتب الشعبي في برازيليا، حتى بالمناسبة ، يوم جيتهم كانوا مدايرين حفلة الفاتح العظيم يوم 12/9 في مطعم الخنزير الكبير ( يا جماعة أراهو هذا أرقى مطعم في برازيليا لكن إسمه هكه )، المهم المكتب دزلنا حق اللاطيبوس وحضرنا الحفلة إللي كانت سمحة زي بلادنا و عربها. قلت هذا حصانك و هاكه سدرتك يا عبوده، مش تبي تذكرة عودة لبلادك، أهو مكتبها و دبلوماسينها يرحبوا بيك و يظبطوا فيك ، ما نطولش عليكم. مشيتلهم يوم 13/9 وشكرناهم عالحفلة وطلبت منهم تذكرة عودة لليبيا لأني باغي نخدم مع شركة برازيلية فازت بمشاريع في ليبيا الباهية والعظمى وما عنديش حق تذكرة أخرى بعد ما ضاعت عليّ إلي جيت بيها وأعطيتها للمكتب، المهم يا جماعة، بعد 14 يوم في أوتيل في هالرمضان الكريم، مشيت للمكتب الجمعة إلي فاتت 28/9 نحساب روحي بناخذ تذكرتي و حساب ألأوتيل إلي وعدوني بيه ، لكن يا ظنايا خلوني نستنى ساعه و ربع في البوابة و بعدها طلقوا عليٌ واحد مسميينه قنصل و جى ينبح من بعيد، الشخص هذا حتى شكله مش ليبي و لا عربي ، إسمه حسن بوغريس ، لو كان بو خريص طلع لإسمه، المهم ياكبادي هالدبلوماسي المزور يدعس عليّ شتم و إهانات قدام الموظفين البرازيلين و مستشار ليبي محترم وصل الصدفة، تعرفوا شن كييلي هالمسعور، قالي داير روحك رجل أعمال و جايني تبي تذكرة و حساب هوتيل، كانك رجل أعمال أراك عندك الملايين، و قعد إيمدلي في وجه زي المومس باش ياخذ كفوف و إيديرلي منهم قضية، طولت عليكم ياخوتي، في النهاية تمالكت نفسي و طلعت بنطربق و مطرود من سفارة بلادي و اليوم قررت نكتبلكم لأن أمس الكلب المزقري قالي معادش تولي بكل للمكتب و بره إكتب ! . يا أكبادي الدنيا كلها درناها ما عدا صراكة القواده إلي خلاٌته قنصل و دار منها الملايين . صحيتوا على ردة بالكم و هاني مروح باش نكون معاكم و بنستنى هالمزقري باش ياخذ الكفوف إلي يستاهلهم في تاجوراء .

عـبدالله الحامدي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home