Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

مزيد من تسليط الضوء عـلى الملحق الجهالي ـ آسف الثقافي ـ

اضافة الى تسليط الضوء علي الملحق الجهالي اسف الثقافي .
انا طالب علي حساب الخاص لنيل درجة الدكتورة..
سمعت بان المكتب الشعبي يقوم بضم الطلبة الدارسين علي حسابهم الخاص الى الدراسة علي حساب المجتمع.
المهم ذهبت وملئت النموذج المعد لذلك في اواخر عام 2004 ومرت الايام دون جدوى بعد فترة سمعت بانه الاخ المحترم يقوم بالموافقة على الطلبات شخصيا المهم كتبت طلب جيد جدا منمق وتوكلت علي ربي وتوجهت الى لدن ولكن دون جدوي لان ذاك اليوم الاخ المحترم لا يقابل احد الله اعلم لماذا..
المهم رجعت اليوم التالي قلت لموظف الاستقبال اريد مقابلة الاخ المحترم قال لي اكتب اسمك في ورقة وانتظر الدور.
بعد حوال ساعة قابلت الاخ المحترم اسمعوا الحوار.
انا: السلام عليكم.
المحترم: وعليكم السلام.
قلت له القصة كاملة وشرحت له الظروف من ضمنها قلت له انا صاحب اسرة ولا استطيع ان ادفع اقساط الجامعة ولم يبقي الا سنتين فقط واتخرج بعون الله .
بصراحه تقول نصفر في وذن ميت.
قال لي مشكلتك ومن اللي قال لك هناك برنامج ضم مرة وحدة.
قلت مش هذا مكتبنا الشعبي وانا مواطن ليبي يجب ان تساعدوني.
قال لي لا استطيع ابدا قلت شين نخبط راسي في الحيط.
ويكلم فيا من راس خشمه يسحاب روحه حاجة كبيرة حتى الطلب مافتحاش ويدور بالكرسي شكله وين كان صغير مرفعوش للملاهي متع المعرض.
قالي عليك وعلي حد في ليبيا يشوفلك حل انا مانقدرش.
انا نعرف ناس مددلهم مرتين نقدر نحط اسمه كامل لكن نحط اسمه الاول ( علي الش.....) المقابلة صارت في منتصف 2006. .
تو هذا شخص يحطوه ملحق ثقافي؟. هذا المطار وهلبه عليه. يحطوه في الملاهي يقص التذاكر بش يلعب بالبلاش ويشبع لعب.

طالب عـلى حسابه الخاص


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home