الشعب اللي يهتف بدماه
الله بلاه
اصبح فقرى فى عز غناه
الشعب اللى .........

الشعب اللى يهتف بالدم
وقال نعم
لواحد ساقط مايفهم
اليوم عايش فى ضنك وغم
ولا لاحت ساعة فرجاه
الشعب اللى............

الشعب اللى يهتف متكبر
عا الجيران الكل تجبر
وفى الدنيا ما حد امعبر
اليوم وقظ لقى روحه
فى حال ايجض
ولا حتى والى يالاه
الشعب اللى.........

الشعب اللى ماهوش اصيل
ان جاه الليل يظل طويل
وظلم اسود
وهو حايس ما يفك الخيل
ولا يلقى فرسان اتمد
ويبكى ويدير عواويل
ويندب كان الندب يسد
على ما امجور شاين داه
الشعب اللى ............. يهتف بدماه

الشهـيد عـبدالكريم نجم