Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

14 مارس ...

مارس
يوم 14 مارس
شينك نهار فيه غابن عيون الفارس
والفارس مش اللى حصانه سايس
ولا بندقه شال وخش الحروب وقايس
الفارس اللى فى الزمان الحايس
يبقى نظيف وعفيف وفوق كل خسايس

شينك ليله
وشينك نهار فيه انطفا قنديله
على غيبته دمعى مغير نهيله
والنار ما يعرفها إلا لى قايس

يوم الجمعه
يوم فيه كانت عيلتك مجتمعه
تخطط لرحله للزها والمتعه
لكن ارياح الموت تجرى بسرعة
شالت معاها الروح وانت جالس

يابو اسراء
وليدك إسلام وبنيتك آلاء
يقولوا دق الباب بابا جاء
يجروا يلقوا سراب يزيد و ظماء
بعد شربهم حنك ذاقوا الريق اليابس

يابو اسلام
ولو تنفدى بالروح موش كلام
خليت عويلتك من وراك ايتام
وزوجة صغيرة تقول كيف نبى نسايس

يابو خصايل زينه
بلا ضحتك كيف الزها بيجينا
يصبر المولى خيتك والمينا
وجنات النعيم ينولك بارينا
ومن رحمته مافيه والى يائس

آه ياشقيقى
عليك نبكى نين شايط ريقى
بلا رفقتك نذهب عليه طريقى
مركب يصارع موج فاقد رايس

شقـيـقـتـك المحبة


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home