Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

شليلك ( زغـرتي يا عـازه )

الاخوة الكرام ..
السلام عليكم ورحمة الله وبركاته

قبل كل شي ان شاءالله ايفرج ربي علي الدكتور ادريس في اقرب وقت.. اوباك اتحشموا واتقولوا الراجل ساده رهدنه اوتلقليق واتطلقوه علي ها العيد ايعيد امعا هلا اوعدوها لاحفرتوا اولا جربوعا نتق... وان كنا لعويله اللي تماظا فيه ليدز احكايتهم احكايه اوبعد ما اسمعت الخبر واناء امبلط اعيوني من تحت البطانيه واحذى واحد من رافاقتي نطيت اوقتلا يالا يابوديدحانا يالا اندفوا ها القرباعة اونعمدوا شي صاله نت وانبهتوا الراى النصاره راهو هو الراي حتى وان كان لعويله تموا يساقطوا كيف حب الرطب وها الخبر نشهدبالله انا يمسح ادراه الكبد لكن صاحبنا راهو اليوم ايقولها اوبكره ايقول من قاللكم قولوها ...
المهم خشينا صاله النت اوصاحبي ايتلفت اتقول خاشين قطرت ضبع اهو ايقولي يشهدالله يااعطاب اني اموصي علي ثني سمح وانخاف الجماعة هم اللي ايعيدوا بي .. وكنا الجماعة لمقمعزين اوجوهم شينات اودخاخينهم راكبات والتخبيط راكب ما اتقول الا يصيدوا في ذبان .. المهم وين ماتميت انقلب اوصاحبي اعيونا ايتحاومن قالي يا اعطاب راهو حتى صاحب ها الصاله بيعها واناء انقلب قتلا عليش اوهو ايقولي عالخبر ! ;نقنقوا امعيشتا جماعة الامن الداخلي اوهم كل يوم جايينا اوبعدها قالولا انريدوا انشغلوا امعاك واحد منا اوعلي ماحلفلهم اوتقطع ان الحرثا ماهي راده ابذارها ماصدقوه مشاء باعها ..
المهم واناء انلقب الاتحاد الاوربي موش راضي وامريكيا قالبه وجهها والامم المتخذه امعلقا خشمها ولعيال ذوايح بين ايطاليا واوتيكا واللي مات مات ماحرق والي امفيت هلا واناء في عقاب كلامي اوهو زبدته لمعمر بومليار .. حط بين اعيونك جميع مادرت اوماداروا في ها لعويله اوخليها اتقربع علي رؤؤس اللي داروها افش غل هلم في ها اللي جو لعندنا اومافينا والي مشالهم اوخاصة قاصتا ها الفرخ الفلسطيني اللي قريناه اوكلا من عيشنا اوملحنا دير فيهم اللي ماانوصيكش عليه اوخليهم صنوره وين ما ايغرب الرحيل والا ايشرق يلقوها في بيتهم اوخليها الغيرهم اللي ايفكروا في فساد ليبيا كيف الجثامة علي اصدورهم ... بزهم بيش مابزوا لعويلا ان كانك اوحلت والا فكرت اتغيير رايك والا كلمك بوش اوخفت ررراهم اعويله للليبيين.
ويا ابهات لعويله ان كان مصارش من ها الحكم عليكم اوعلي الحبس انتم مازال فيكم اوجوه اتعيشوا بعد موت اعيالكم.

اعـطاب بخت


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home