Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

قرأت لك : يا عـون من قابله عـون

ياعون من قابله عون واشرف علي راس عالي
ويا عون من جاه العون من صاحب عرش العلالي
ويا عون نبيك اتعين وطنا علينا غالي
ما ا يسامح الا الكريم من غيره ما فيه والي
الا بلادنا شافت الضيم من فرخ ماهو حلالي
ولد طايش والشي معلوم راه فقص ماله تصالي
قذاف شين السموم قتال شعبنا بالمهالي
سفيه وزاد امحموم الا اهباله مالا كيالي
خارج من اسنين فشلوم نريدكم تفهمويا غوالي
اوليبيا قلبها مهموم من ابريل شهر الثكالي
اللي فيه نعق البوم ومنه لبسنا الجلالي
وفيه مشانق الشوم مازالن شبحن في خيالي
ساقولهن كل مظلوم عليه يشهد العالي
عمر او محمد والمخزوم ضحيه عيد النيالي
عيد من عياد الروم في تاريخنا ماله مثالي
والعدل بات امهزوم من جيت رزيل الفعالي
وفي ليبيا سار مفهوم حكم زمان الجهالي
مشانق وحبس واهموم فراسينها راحوا ذبالي
او عملته ها المشئوم سريبها شيب اجيالي
عشرين حط في يوم وزاد ثلاثه بالكمالي
جذعان من خيرت القوم نور صيتهم فات الهلالي
الا هو عند العموم تاريخه تراب السحالي
والايام ما عليهن لوم ايعلن دبيب ويواطن شبالي
ما عمره ظلما ايدوم والظالم سيوره جالي
حتي لو رقي للنجوم مكانه تحت النعالي
واله ايجلي الهموم علي وطنا بلاد الهلالي
والصبرما قضي حاجات شيلي اسلاح ياعين جاهدي

م. ر.


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home