Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

آخر نكتة من الساحة الماليزية

قالوا للمكتب الشعبي جاتك لجنة تفتيش قال جاك الفرج.
اخر نكتة من الساحة الماليزية هو ان المكتب الشعبي استقبل لجنة للتفتيش والتحقيق , مع العلم ان هذه اللجنة رقم 10 تقريباً التي تزور المكتب وكلها اعطت شهادة حسن السيرة والسلوك لأعضاء المكتب , خاصة الخانبين منهم والسبب بسيط وهو استقبال MONEY اللجنة والحجز لها في أرقى الفنادق والتسوق في افخر الآماكن مع الكاش.
أماله المدعو عصام شني قاعد ايدير وهو رجل المهمات الصعبة والخاصة وعروقه واصله الى كل المؤسسات وأمانات اللجان الشعبية في ليبيا وكل المسؤولين اللى زارو ماليزيا ولا مازاروهاش يعرفوه وبخش لمكاتبهم من غير استأذان , خاصة وهو ماشي جاي على ليبيا وكل الأخبار عنده .
ولأسف الشديد خوتي الطلبة قاعدين فرحانين على خاطر اللجنة الجديدة بتردلهوم حقوقهم المنهوبة اللى خنبتها عصابة المكتب .
الحنيش وعصام والقروش والغويزي , والله ياخوتي الطلبة راكم تحلموا خاصة المجموعة اللى تمشي للجنة في الهوتيل كل يوم علشان اتفرمط , ياودي راهي دوه فارغة وكان في اللجان خير ماقعدت العصابة اربع سنوات تخنب فيكم وانتو اتعيطو ولاحياة لمن تنادي .
رزقكم على ربي هاوينه القروش وعصابته امبحبحين بالملايين اللى خنبوها زقوم في بطونهم وبطون صغارهم يسحابوا ربي غاقل عن اللي داروه وعن حقوق الغلابة اللى نهبوها .
انا من رأيي ان الطلبة على الساخة الماليزية لابد مايزحفوا على المكتب الشعبي وبوجهوا نداء للقائد شخصياً باش يردلهم حقوقهم من تذاكر سفر ودراسة حقلية وغيره وان تتم محاسبة العصابة اللي موجوده في ليبيا على مااقترفوه في حق الطلبة طول اربع سنوات , خاصة وان اللجنة الحالية كشفت تجاوزات تفوق الملاييين من الدولارات واسماء مزورة وحسابات وهمية هذا غير الجامعات الخاصة الغير معترف بها حتي في ماليزيا .
انا لااتكلم بالنيابة عن الطلبة ولكن انا احد المتضررين وارجو من الطلاب ان يقبلوا باقتراحي وان بسمعوا صوتهم لقائدنا العظيم , الذي لايقبل الظلم والعسف. وانقول ماتعبوش على اللجنة الجديده راهي زي اخواتها.

طالب بالساحة الماليزية


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home