Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

ما حد يـبّـيـك

السلام عليكم
هده الكلمات موجهة الى السفاح الليبي و عويلته الدايخين وجماعته اللى راكبهم الفلس في حب الناس و بلادهم, والله ولا أقسم بغيره لو تسأل الليبيين ما فيه واحد يبيك , و بصراحة ننقانك مستكرد , يعنى أيش معناها الحبوس مليانة ناس؟ و تقتل فيهم علي شاشات التلفزيون بيش تثبت أنك موش محبوب؟ ننقانك واكلها يا الهبل , وتقتل الأبرياء في بوسليم يعنى أيش معناها؟ قتلو أرواحهم من كثرت حبهم لك؟ يا مطرشق, وشلت عويلة ليبيا لحرب أنت بروحك مانكش عارف عليش تحارب و نكرتهم,يامعوى,و طربقت الطيارات و أنطمرت تحت الوطى لما جوك؟ يعني أيش معناها؟ تلعب في ليبرا؟ يا خواف, و حلفت وهددت أنك تبى تمشى تحرر فلسطين؟ كيف صار؟ و ركبت على ضهر فلوكة بعد الغارة و احسبناك خلاص يا تهد وأتكها معاهم جديات يا يخافو هما و يحلو على النافتة؟ ولاكن ثانى يوم مزال دبشك جاف و مافيش حتى بلة موية, كنك؟ خايف من الحوت؟ ولا عندك حساسية ضد الملح والتن؟ يابو دماغ مخمج, يا بصيرة في صورة انسان أسمع, والله مانحبوك ولانبوك ولانقبلو وجهك ولانبو خلطك ولا فيها مصلحة قعدك, لا لك ولا للبلاد و عربها, وأسمعو أنتو يا لجان الفشل و الغباء كنكم؟ مافيكمش عقول ولا كيف؟ تو معقولة قعدتو مضحكة و الناس كلها مامفرج على كربها الا الضحك على أشكال اللجان الغبوية و مناظرهم و هم يهتفو, يا عليك حالة و خلاص, غشم بعد هكى ماريت, و على قولة الأخ, ونا مازلت هونا لانبيعك ياليبيا لاحبى لك يفنا.
والسلام عليكم.

أخوكم الشافعي رجب الشافعي
كندا ـ أونتاريو
Shafei1965@yahoo.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home