Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

يا حبيبي

ياحبيبي لقيت في داخلك إحساس
ياحبيبي مالقيت كيفه عند كل الناس
يا حبيبي لقيتك عزيز تنحط فوق الراس
يا حبيبي تنحب الوطا... اللى لها دواس
ياحبيبي لو الحب كان له ميزان او مقياس
ياحبيبي ما موازين لرض تبقا لغلاك ءقياس

لقيت فيك مشاعر نادرة لوجود
لقيتك حنون وحتى قسوتك بحدود
لقيت فيك نور من صفا نفسك يسود
لقيت ضحكتك تجلى على الخاطر ءنكود
لقيت نارك تدفى مشاعر صايدات برود
لقيت حبك يا ضنا الأجواد بيه تجود

انت اللى فى القلب دوم معايا
وانت ربيع العين وانت هو مشكايا
وانت غيبتك علتى و سبايب دايا
وانت الشفا ان جيت كنت دوايا
وانت ان ضليت تبقا لى هدايا
وانت اللى نريده طالبا مولايا

معاك لو الله بالحلال ياحبيب ليا جابك
معاك نقعد سنين فى غلا مغير دابى دابك
معاك الربيع بين ورود تشقا بى ونانشقابك
معاك الصيف ايدينا على شط البحر تشابك
معاك الخريف يبقى ربيع يدوم به شبابك
معاك الشتا مشاعر دافية تدفى ابراد جنابك

خواطر
إمرأة من زمن الحب


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home