Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

رسائل اخفيفة... وعـالماشي

الى الرقعـي ايلى رقعـوه وبطحوه الثوريين
صورة صورة صووووووورة كلنا عايزين الصوووووورة....اييييييه ياحصرة ياسلومة على ايامات الهتافات والتنظير والكتيبة فى الانترنت ضد القذافى
صحيح انك كنت حايس فى روحك وتهتف لين سروالك ينزل وتبدا اتقيم فيه مع كل هتاف
وصحيح انك خاش على المعارضة بنية غير معروفة
والايام اثبثت نواياك...((نوايا البدو الهمج ايلى شردوا رسول الله صلى الله عليه وسلم واهله فى جبال مكة وشعابها...موش البدو ايلى هذبهم الاسلام ورجعهم النبى محمد صلى الله عليه وسلم الى الطريق القويم وناصروه)).. وصحيح ان بعض امتاعينك الصحاح فى السلطة ..وصحيح. انك امدره وامبطط اكبودنا بكلمة صحيح.....ماتصحصح معاى يلة...وبلاش تناحة..لكن الباين القلابة والنفاق فى دمكم يارى
على خاطر حتى عمك ايلى كان يقول فى الشعر فى ايامات الملكية وايلى كان يدق فى البوخة فى الليل مع كوبانيته وبعدها يبدا يشعر على الملك ويسب فيه..دار نفس ايلى درته انت توا مع القضية الوطنية...يعنى لقاق ومنافق ومع الواقف...وزيتكم فى دقيقكم
واخرها اللقاقة الشعرية ايلى قالها عمك قدام جثمان الراحل مازق.... ولهذا سير على درب اللقاقة والى الامام مادام شيشمة الفاتح انفتحت ليك....وياقذافى ياجبان ياطايح للامريكان..اما عليك نفاق يارقعى..خزى على هالنوعية من الرجال
خليك...خليك يارقعى مع القايد وفكرله واخترعله الحلول المناسبة ..ومافيش باس (ياحش) لو تغنيله وتقوله: مكتبنا ديما مفتوح تلقانا فى كل اوقات ..لايبقى بالك مشغول نحنا انحل المشكلات
والسسسسلام عليكام

*   *   *

الى الراهبة الثورية سعاد الطيف الفيتورى
ياسعاد قالوا انك اتصلتى بالحاخام الثورى فرج نجم.. وبابنة المجرم سليمان محمود امال وببعض الكتاب اللقاقة والمحسوبين على المعارضة الليبية...باش يتعاونوا اعماك لترويج الفكر الاصلاحى الثورجى الجديد من خلال موقعك (نادى القلم الاخضر الليبى)...ايلى انشاته المخابرات الليبية وتصرف عليه وعليك.... وزيادة فى شيل الشبهة عنك قامت المخابرات الليبية بنشر رسالة وهمية باحد المواقع الليبية باسم محمد الزاوى يحذرك فيها من الرجوع الى ليبيا وان اللجان الثورية يبو يغتصبوك وانه سيتم اعتقالك اذا رجعتى الى ليبيا ...ووووو.... والطشت قالى ..الطشت قالى.. ياحلوة يالى.. قومى استحمى
ياسعاد.. ايتها العضوة فى حركة اللجان الثورية النسائية.... راهو كل محاولاتك ومحاولات الراهبة الثورية امال محمود باش تخترقى الليبيين راهى مفضوحة وفاشلة
احنا عارفين ان فية مجموعة من النساء الليبييات ايلى تم تجنيدهم وزرعهن من قبل المخابرات الليبية فى انحاء العالم وخصوصا فى البلدان ايلى كاثره فيها المعارضة الليبية
ومهمة هولاء الفتيات الفاسدات انهم يديروا "سباق".. لااغواء المعارضين وجمع المعلومات عبر اختلاق قصص حب ووعود بالزواج او عرض اجسادهن على المعارضين ايلى بعض منهم رياقاتهم اتسيل على النساوين زى كلاب البلدق... ومايقدروش يسيطروا على نفسهم...يعنى يطيحوا فى المنداف والطربيقة بكل يسر وسهولة
صار ياسعاد الاخ محمد الزاوى كتبلك رسالة؟؟؟ امممممم
... وحط فيها عنوان موقعك فى اول الرسالة كدعاية للموقع؟؟اممممممم
ويستفسر على الايميل امتاعك ..وهذه دعاية تانية؟؟؟ امممممم
بالله خطرها نبى نسالك ياسعاد على الهتافات الثورية امتاع سنة 2007
هل تم طرحها فى الاسواق الليبية ام لازالت عند الحصان على الشاعرى
ويمكرون ويمكر الله والله خير الماكرين - الانفال-اية 30

*   *   *

الى المقريف وفيلم دمى ودموعـى وابتساماتى
بصراحة يامومو انهنيك على الطروح ايلى ادير فيها ولازم تكشفنا السر ايلى يخليك اتنزل دموعك امتى ماتبى على خاطر باش تتحكم فى دموعك وتبدا اتزر فى البطم بالريموت كنترول من وراء الجاكة.. وتبكى زى مايدير الفنان عبدالمنعم مدبوللى رحمة الله عليه... باش تخلى الناس السذج تعطف عليك وتشد اهتمامهم..هذه ماهيش حاجة ساهلة
وبعدين تعالالى جاى ....تعالالى جاااااااى ياشكوكو : قاعدلى اليوم تبكيلى على الدستور ايلى رموه فى الكناسة.؟؟؟... اه ياحنين انت يايلى واجعك تلويحة الدستور فى سطل الكناسة...اه منك انت يامتاع المشروع الحضارى اه توا بالله عليك ياكوجاك..انت ناسى روحك انك كنت سفير قائد ثورتك ايلى تحلم بيها لما كنت تتصرمح فى جامعة بنغازى..وقلت فى مذكراتك انك باركتها وتنفست الصعداء وانفتحتلك دنيا جديدة.. وشطحت مع الهواديق والهراوكة..ايلى شطحوا ايامات الانقلاب...وايلى مايعرفوا كوعهم من بوعهم.. وحزمت ورقصت على وحدة ونص زى نجوى فؤاد فى شوارع ليبيا فرحان بالتغيير؟؟؟؟ ينجيك ليا ياقروفة...صار قوتلى استبشرت خيرا بالثورة يامساء الخيييييييييييييييييير بسيد المعلمين
... وين فلوس حقى انا مال سفارة فى هند ؟؟ انا اسمى اقبال شاه خان من كلكتا.. وانا اسوى كل يوم قهوة فى سفارة لما انت فيه سفير فى هند.. وانت كل يوم يقول دير قهوة ياأقبال وانا فيه يسكت... جيب كبز ولحم ياأقبال وانا يشيل كلو فى قلب هقى ويسكت؟؟.. وانا اليوم يقول وين فلوس حقى يامهراجا ؟.. انا والله فيه سبر كثير عليك وكل يوم ماما حقى فى كلكتا يقول اسبر ياأقبال اسبر ياأقبال اسبر ياأقبال ياأقبال.. خلى عندك سبر وصلى على موهمد.. وتوا هذا سفير مال قذافى يجيب فلوس هقك... واليوم كلاص اقبال صار مجنون ومافى سبر وممكن اقبال يسوى جريمة ويروح هبس انا مافى موشكل...
اسمع ياموهاسب ..انت لازم يسوى تكت ويجيب فلوس حقى فى كلكتا اليوم قبل بوكره عشان انا مايسبر وانا لازم فيه زواج... انت فية ياخذ فلوس حقى انت فيه يروح لنار.. ياسلوعة
جردى نمنم كالاهى موردبا زندباد مقريف جهنم
..نسيت يامقريف انك كنت تمثل فى النظام 11 سنة واول من ايد الانقلاب.. تى هذه كيف اتجى ياحميدة؟؟؟؟ وبعدين نسيت زمان لما كانت كلمة الدستور او صورة الملك من المحرمات عندكم.. وايلى يتكلم علية تقربعوه تقربيع وتسلطوا عليه البلطجية ابتوعك....سبحان يامغير الاحوال ..اييييه من قال..؟ من قال تبدا تلبى فى دعوات اعياد الميلاد
باقولك ايه... بطل استعباط يلة وبلاش الحركات امتاع نص كم دى.. وخليك طيب انت سامعينى
قال نبكى على الدستور قال....انتم ياقوميين ويابعثيين وياشيوعيين ايلى خليتوا واحد كيف القرد القذافى يجيبوه للسلطة ...وانتم ايلى مهدتولا وفتحتولا الطريق بتسهويكم وحلان ذقونكم
وكنتوا تهتفوا فى مظاهرات ((الصحا حمو)) وتتصنطو فى اذاعة صوت العرب امتاع سىء الذكر عبدالناصر ايلى سبب نكبة الامة العربية.. وتخلفها لعنة الله عليه.. وامدايرين بطولات وزعامات على الفاضى ايامات الملك وتقولوا نبو التغيير... وابليس ولاادريس..وتعيش القوميستة العربية... والبعثية البن سرتية ...واللملومية العفلقية.. لدرجة ان فيه امهبلة ومتخوخمين زيك ياحميدة من ايلى امدايرين انفسهم معارضين شيوعيين ربو شنابات على طريقة ستالين ويكوشوا بيها فى المظاهرات ..وبعد مايكملوا تبرطيعهم وتسهويكهم وعياطهم يعدوا يديروا فى سالتوات فى البحر مع الرفيق "عثمان العالم" ... والنتيجة اهو شوفوا ياكمشة جييف.. الخراب والدمار والفساد ايلى تعانى منه ليبيا اليوم وايلى طلع من تحت راس دين امكم انتم يافساد مكة. بعد ماكانت ليبيا دولة ملكية فتية وشعبها أمن ومطمئن وتقترب من الدول المتقدمة.....خربتوها واقعدتوا فوقها ياتيوس.... ولهذا انت وغيرك من ايلى كانو يبرطعوا فى الشوراع ايام الملكية وخدموا مع المجرم القذافى وتعاونوا مع القتلة زى سفاح تشاد المجرم "خليفة حفتر" ايلى يدية ملوثات بدماء التشاديين والليبيين الابرياء... وايلى ارواحهم الطاهرة تلعن فيه وتلعن فى الزمان ايلى خلا واحد حقير ونذل (جزار انجامينا) زى حفتر يمثل الجيش الليبى....عليهم ان ينطمروا ويقعمزوا فى حيشانهم ومعادش يبينوا كشخهم ووجوهم لليبيين... لين ربى يفرج على شعبنا ويسخر من ينقذه...اما النفاق وتغيير الجلد ومدان الزومة فى كل مناسبة وبدون مناسبة وسرقة عمل الغير راهو هذا معادش يمشى على الليبيين الواعيين... درتوا العار ياهمج ...اتحشموا على شيبتكم ....يابزقليف

*   *   *

يا بالروين... راك رونتها
بصراحة يادكتور بالروين انى معرفتكش شنو تبى بالزبط... والباين صايرلك التلخبوط .. ومانكش امجمع ... يابالروين مرة اتقولنا اننى لست مؤرخ ولااتعاطى التاريخ...ومرة اتقولنا انك سياسى وترى السياسة من منظور اسلامى ...ومرة من منظور علمى ومرة من مراياتك...ومرة اتقولنا يمكن كلامى هذا راهو كله دفنقى فى دفنقى. وماتعدلوش عليه وارموه فى الكناسة زى مارموا الدستور وقعد شكوكو يبكى عليه....اييييه الله يرحمك ويوسع عليك ( ياروما حديد..) كنت واضح وتقول الكلمة ايلى على لسانك....؟؟؟؟؟؟
يابالروين توا انت اتقول انك سياسى وتبرق فى السياسة من منظوراسلامى وفى نفس الوقت اتقول ان الليبيين استعانوا بالعقليات القانونية الغربية من امثال البرفسور (هيرى ترست) وتقول ان علينا ان نكون منفتحين على افكار الغير؟؟؟؟؟؟ وتقول ايضا اننا يجب ان نكون مستعدين باخذ احسن ماعند الغرب...؟؟؟؟ وشنو الجو عندك يابالروين
وبعدين يابالروين شنو دليلك على ان الملك ادريس كان يؤمن بالنظام الجمهورى؟؟؟ تقدر اتجيبلى دليل واحد يثبت صحة كلامك هذا؟؟؟ اتحداك ان تقدر تجيب الدليل.. على خاطر وراء هالكذبة هذه جهات معروفة فى العهد الملكى واكثرواحد روج ليها هو سراق جعب وادى مارة... وبايع الارض... وايلى اول من ادخل نظام السرقة والرشاوى فى ليبيا بن حليم ...وبعد الانقلاب قعد القذافى المجرم يروج فيها لااغراض معروفة وباش يهبط من عزيمة الناس ايلى تؤيد فى النظام الملكى.. وللاسف قعدنا احنا زى (الباباقالو) نردد فى هذه الاكاذيب والافتراءات ونهزوا فى روؤسنا زى البهايم وبعدين شنو عرفك ان النظام الملكى فى ليبيا غير صالح؟؟ هل سيادتك مشيت لليبيا وسئلت الخمسة مليون ليبى واستفتيتهم على النظام الملكى باش تجزم على ان الليبيين مايبوش الملكية وايلا غير هكى وخلاص يعنى استعراضات وفلسفة وكساد وتسهويك بالتوكى.؟؟؟؟
.. مادام انت تؤمن بحق الاختيار فخلى الشعب الليبى يقول كلمته ياحاج
وبعدين قاعدلى تردد فى كلام يدره فى ستين كبد وتقول: ان السنوسية ماطلبوش الحكم فى عهد العثمانيين
اولا لعلمك ياغزيل ان السادة والاشراف من ال البيت ماهماش طلاب سلطة.وقصة جدهم سيدنا الحسن (رضى الله عنه).. وتنازله للسلطة معروفة للجميع.. وبما انك لست مؤرخ وماهياش صراكتك تكلكيت التاريخ...فنحب انقولك ان مولاى ادريس الاول جد السنوسين لما جى هارب من ظلم الظلمة وتعرفوا عليه المغاربة....بايعوه اهل المغرب...ونصبوه سلطان عليهم يعنى مافرضش روحه عليهم بالسيف....وبعدين كيف تبى السنوسيين يطالبوابالسلطة وهما فى ذلك الوقت دعاة دين ولم يكن هناك نظام ملكى قام من قبل باش يطالبوا بيه مرة ثانية يافالح؟؟؟ الملكية فى ليبيا ياريرى قعدت 18 سنة اللهم ماصلى عالنبى...والشعب الليبى يتمنى اليوم من غير مبالغة ان تعود المملكة الليبية ولو ليوم واحد بس
ولهذا من حق ورثتها الشرعيين اليوم ان يطالبوا بالعرش...والملكية زى غيرهم من المعارضة ومش فرضها بالقوة او بالتكوليس...يعنى عبر استفتاء
فانى مانيش عارف ليش انت قاعد تلوى فى الكرومة واديرينا فى درهات الكبد وتلف ودور وكل مرة لما يسالوك الجماعة سؤال واعر تبدا فى العياط والشياط وتقول:ووووووووك عليا...الحقنى يابن واصل الاسئلة هذه كبيرة عليا ومنقدرش انجاوب عليها
على الناس ايلى تدعوا الى الملكية ان يكونوا سنوسيين اولا؟؟؟؟...اهو اهو ولينا لدرهات الكببببببببببد.....ولوى الكرومة مرة تانية
لكن مع هذا شد عندك ياحنين شد شد وكول المغمض والمسمس ...انتوا الباين العريبة ماينفعش بيكم الا اللوز والطبل...والشلط
توا بالله عليك يابالروين منو ايلى قال ان لكى تكون ملكيا يجب ان تكون سنوسيا؟؟؟ الملك ادريس كان عنده وزراء فيهم علماء افاضل وشيوخ وصوفيين وابناء عائلات عريقة...وكان عنده وزراء ايضا من ايلى يدقوا فى البوخة يعنى سكارجية....وفى منهم امتاع نساوين ....وفى منهم سراقة...ومع هذا مقالش الملك ادريس ياليبيين نهاركم احرف واغبر..انى حكومتى لازم تكون كلها شيوخ وعلى الطريقة السنوسية...؟؟؟
الملك ادريس قبل بعض الوزراء وايلى خدموا اعماه بعيوبهم لانه رجل عنده حكمة وبعد نظر وصافى السريرة وكان مؤمن بقول:(لاتهدى من احببت ولكن الله يهدى من يشاء...والكمال لله)...وماعنداش خبث ولؤم وخنزرة زى ناس هلبه..فانى مانيش عارف شنو تقصد لازم تكون سنوسى قبل ان تكون ملكى ؟؟؟؟؟
فيه ناس ماكانوش يتقبلو الملكية ولكن ولائهم كان سنوسى... وفيه بعض الناس ايضا كانوا ملكييين حتى النخاع.. لكن ماهمش سنوسيين العقيدة ...وكل شىء ايلا وحبنى يابنادم ... يابالروين وايلى كاتبه ربى لازم يصير وماتقدرش تمنعه لاانت ولامليون من شكلك
من حقك ان تكره النظام الملكى ولكن مش من حقك ان تمنعه ياشيخ... لانك تصبح زى القذافى ديكتاتور....وبعدين بصراحة انت اعلاش ماتجيبش من الاخر وتفقش ايلى عندك بدل هالكونيات والايبارى المخززة امتاع دين امك
طريقة كلامك هذه تفكرنى بطريقة جماعة اليوكات ايلى كانوا لما يبو يحشوا الواحد يبدوا يقولوا فى كلام حق يراد بيه باطل....ويبدوا يديروا فى هالحركات هذه ايلى انت ادير فيها توا وبعدين يعطيهالك بومبة ياخال.. من حيث لاتدرى... ويقولك.بعدها سامحنى ياخوى كانى انى اغلطت فيك..ويبدا يمثل عليك فى دور الرجل الطيييييييب ويديرفى رويحته مايندرى على شىء ... يعنى يقولك فى اكلام مسموم وكله سم فى سم بالزبط زى مايدير جمعة السم
تربح يابالروين ...الله يربحك...فكنا من هالروينة (المرطرطة) وامشى مشيتك وفكك من اللعب بالنار
الحركة السنوسية انتهت بوفاة اخر شيوخها وهو الملك ادريس ولن تعود لان الاسلام عم ربوع ليبيا وهى المهمة ايلى الله اوكلها لشيوخ السنوسية الاوائل وارسلهم الى ليبيا من اجلها.... الا اذا سخر الله رجال من امثال المؤسس الامام محمد بن على السنوسى
لكن الاسرة السنوسية لم تنتهى بعد وليها وزن واحترام فسط ليبيا والملك ادريس احد افراد هذه الاسرة والليبيين هما ايلى بايعوه ثلاث مرات واختاروه ملك..والقذافى هو ايلى استولى على شرعية هذا الملك ...والغى الدستور..ايلى ينظم هذه الشرعية وايلى يحدد وراثة العرش... يعنى من يطالب اليوم بالشرعية ماجابهاش من عنده وايلا حلم بيها وايلا الفها من راسة زى ناس هلبه حشيشتهم تاليف القصص الخيالية
احنى ينطبق علينا المثل الليبى ايلى يقول :"يساسى ويتشرط"... يعنى نتكلموا على الدستور ونسمع من يقول :عدلوه، وغيروه ،وامسحوه بالقومة، ونحوه، وزيدوه، وشقلبوه...ونحوا دين امه وجيبوا غيره،..وكأن ليبيا اليوم جوها عال العال وشعبنا متهنى وعايش تحت ظل نظام زى النظام السويدى ويفكر بعقلية الشعب النرويجى ....وياسلام سلم يابالروين ياحبيبى...الليبيين اليوم لو تجيبلهم ربع الدستور الملكى يرضوا بيه ويكبشوا فيه بيديهم.. ورجليهم ..وسنونهم من الهم ايلى شافوه فى عهد القذافى النذل
الملك ادريس خش للحكم فوقير وطلع منه فوقير...يعنى قعد ملك دستورى يمارس فى صلاحياته الدستورية لمدة 18 سنة ولم ياخذ مليم واحد من خزينة الدولة بل الدولة الليبية انذاك هى ايلى تبى من هالاسرة ((الديون)) ..ايلى كان ملوكها وامرائها يتسلفوا من البنوك زى عامة الشعب .باش يقدروا يعيشوا..واقتلنى ياسمن البقر..وشن جوك يا
فااعلاش انت تقارن بيه بالملكة اليزابيت ياريرى وتقول احنا ماعنداش الوقت اليوم باش نفرضوا على الشعب الليبى ملك ونصرفوا عليه الملايين؟؟؟ ...توا مش هذه دراهات كبد وتزييف للحقائق ياريرى..وانت عارف زيييين بساطة ملوكنا وامرائنا السنوسيين وحيشانهم البسيطة
اقسم بالله العظيم ايلى درتوه فى هالاسرة هذه ايلى خلتكم بنادمية وعلمتكم كيف تتوضوء وتصلوا وتعرفوا القبلة وين تفتح بعد ماكنتم همج وصعاليك وتعبدوا فى الحجر ..ايلا عار على جبين كل ليبى
والله انى راسى داخ وحرت فيك يابالروين...مرة اتقول الغرب مايبيش الملكيات على خاطر مايقدرش يتعامل معاها لانها تصطدم بالمؤسسات الدستورية ايلى تعرقل مطالبها ومرة اتقول الغرب بدل الملك اصبحوا اليوم يتعاملوا مع ديكتاتور...بصراحة بصراحة..انت الجو عندك مليح ومنعنش
الحاجة ايلى عجبتنى فيك ياريرى هى كلمتك الاخيرة ايلى قلت فيها :نحن لانريد ان نتكلم عن الدستور...باهى مادام ياعرفى انت ماتبيش تتكلم على الدستور شنو ايلى جابك فى سهرة البال توووووووووووك وشنو ادير غادى ؟؟؟
ياكباااااادى انشرك اشلاتيتى؟؟؟؟ تى بلكى الكرارسى ايلى جابك ماعرفش العنوان ورفعك لمكان تانى...وايلا كيف؟؟
المرة الجاية لازم تخلى الجماعة ايلى فى غرفة البالتوك يولعولك المكيف على خاطر الباين الحر والنو يخلى فيك معادش تركز..... ويصيرلك التلوخبط

*   *   *

الى حضرة صاحب الجلالة الملك بن غـلبون المعـظم ملك المملكة المانشستيرية
قالى وقوتله وقوتله وقالى.. قالى وقوتله وقوتله وقالى
ازييييييك يابوبردعة واين الفلوبرر؟؟ ويحك ياشرحبيل امازلت داسه فى الكوفينو؟؟
اخرجه ياشرحبيل.. اخرج الفلوبرر....واحفظ لمكة هيبتها.. فان لم تخرجه فعليك اثم المجوس
ابرهة الاشرم يحييكم ويقوللكم ووعد هبل...نهاركم احرف وامغبر عليكم وردوا بالكم تنسوا راهو انى صاحب محلات توكيلات استيراد وتصدير الدستور يعنى انا المعلم ..وملك الدستور واحلى من الشرف مافيش... والوووو ياهمبكة......ايه مالك هو فيه ايه؟؟
اى واحد يبى يتكلم على الدستور او حتى يفكر يبى يحلم حلمة على الدستور لازم ياخذ الاذن منى ويشاورنى انى قبل؟ ... باش انقوله كيف يحلم حلمة دستورية امسوطة
تى انا حتى الامريكان لما جونى وقعدوا يتجدوا فيا باش نقبل وظيفة مستشار فى الامن القومى براتب سنوى قدره مئة مليون دولار؟؟؟؟ احم احم...اهو التقنبيل بدا... وقعدت معاهم فى مفاوضات ومناقشات وعراكى ودلف ونطح بالدماغ.. لغاية عقابات الليل فى البيت الابيض ومقبلتش.. لين العساس جانا وقالنا خلاص نبى انسكروا
وبعدها اتصل بيا ملك المغرب وقالى يابوبردعة راهو انا خذيت اسم الاتحاد الدستورى امتاعكم وسميته على اسم تنظيم عندنا فى المغرب... وبعدين ياسيدى بن سيد كلمنى بوتفليقة وقالى شنو رايك ياسى بن غلبون تلعب معاى صحة بصحة فرديت عليه وقلتله تى عدى يا.. وبعدين ياسيدى بن سيد تسمع فيا جاى وايلا لا.. مرة طلب منى امبراطور اليابان هيرهيتو باش نكتبله دستور اليابان ورفضت ...وبعدين ياسيدى بن سيد كلمنى مرة صديقى ورفيق دربى تشى غيفارا وقالى بالله على رحمة والديك يابوبردعة مانلقاش عندك ولعه؟؟؟؟ فقلتله تى عيب ياشوشو خوذ ولعتين ..تعرفوا ياجماعة لما اعطيته ولعة شنو اعطانى ...اعطانى سيجار كوبى هدية
..اسمعوا البومبة هذه : الامبراطور سبتموس سيفروس كان صديق الطفولة وطلب منى ان اكون مستشار له وطلب منى ان نرسمله خريطة مدينة شحات... اجججججججبببد يابابا اجججججبببد
اسمعوا البومبة التانية : ميثاق الامم المتحدة انى كنت واحد من الناس ايلى كتبوه...يالطيييييف
اسمعوا اسمعوا اسمعوا التقنبيلة الاخيره هذه...هالمره هذه جديات راهو ..حتى الزاوى ماقالهاش من قبل : نابليون بونابرت قبل مايغزو مصر جانى الليلة ايلى قبلها وسهر عندى فى الحوش وشرب معاى طابات....(طابات شاهى راهو ..ايييييوه ) وقالى يابوبردعة شنو رايك انديرها وانخش وانهد على مصر وايلا فكنى من درهات الكبد ؟؟؟ فانى قلت لنابليون تى كيف يابنبن.... ديرها وعلى ضمانتى وطبعا فى اخر السهرية اعطيتة خطة الغزو واعطيتة معاها خمسين دربوكة وصناديق قرابة وطناجر باش يبكبكوا .وفاسوخ وجاوى.. باش جنودة وضباطه يديروا جو فى الطريق وجوهم يبدا مليييييح .... تى خيرك امكسد يابوبردعة هذه الايام مافيش لادربوكة ولارقيص ولاتشنشينة زى زمان تى كيف الدوة ؟؟..باهى على الاقل قولنا شوية شعرمن اشعار قريبكم الشاعر بيرم التونسى.؟؟ ياسيدى ماتزعلش امغير يطيح حكم القذافى توا الساعة يحطوك وزير للشباب على خاطر انت حنين عليهم وتحللهم فى مشاكلهم وتبحبح فيها ليهم....قالك لو تبى تعقد بوبردعة وتعكرله جوه.. وتخليه رجلية يصفكوا زى الجرييدة...اذكرله اسم قبيلة الدرسه...قالك يرعش بايلى فيه ويبدا وجه يتلون ستين لون؟؟؟ يابوبردعة انت اعلاش خايف من قبيلة الدرسه؟؟؟ انت عملتلهم ايه يامعلم عشان تزووغ منهم وتديها وادس روحك فى الجبة العربية بعد ماكنت تزمط فى روحك زى العصبانة وتلبس فى الجينز الامريكانى.. وتمشى فى سوق الظلام بالعرض؟؟؟..سلم سيدى سرحنا حط اعظامه فى الجنة.....اليف لاشىء عليه، والباء وحدة من لوطا، والتاء اثنينة من فوق، والثاء ثلاتة من فوق
المهم يابوبردعة ايلى ماعنده شاهد كذاب ....واهو الحاج منصف يشهد عليك ويعرفك زييييييين.... وعاشت محلات استيجال.. وعاش فريق الاتحاد.. وعاش فريد شوقى.. وعاش فتحى المسقم.. وعاشت الفونشا.. ومعاها فرقة حسب الله.... وانا وانت ومزيكا ياله... وقالى وقوتله وقوتله وقالى.. قالى وقوتله وقوتله وقالى
خطرها يابوبردعة.. تتفكر زمان لما كنت احسن درباك فى بنغازى وكنت اتخلى فى الدربوكة اتحن وترن وتقول: تاكاتن تاكاتن تاكاتن تاكاتن.. وتميح معاها: شيلن شيلن.. يابلا شيلن

*   *   *

الى عـاشور الشامس وزير الاعـلام والثقافة لدولة سيف الصلوعـية
قالك الشامس حلم حلمة الشهر ايلى فات وشاف نفسه واقف قدام واحد سرتاوى لابس زمالة خضراء وهركة خضراء امهدربه ويسبس فى الرياضى وينادي فيه ويقوله: ياشميسة الغالى انت اعلاش ماديرش روحك انك تعرضت لهجوم تخريبى من عملاء النظام وتسكر موقعك (اخبار ليبيا) لمدة وتخلى الناس تتكلم عليك وبعدين تفتح موقعك واطيح فيها وعيد وتقسم بالله انك سوف تستمر حتى النصر... وبهذه الحيلة الشموسية ايلى ماصارت بلكل.. تعزز موقعك النضالى المهزوز وتخلى الناس اتصدق انك ضد نظام القذافى وخاصة بعد ماريحتك فاحت مع سيف ايلى وعدك باش تكون وزير اعلامه قالك مرة فزانى جابوله ديك باش يذبحه فقال: "انا مانذبح الديك وعينه تشح"...فهمتها ياشامس

*   *   *

الى موقع ليبيا المستقبل / نهج سيدى بوزيد / تونس العاصمة / الجمهورية التونسية
ياحسن الامين؟؟..اشنوا عاد.. يزييك؟؟؟؟
راهو الحكاية عندك فى موقع ليبيا المستقبل اصبحت ترللى ..وفى الباى باى..وبديت وينك ياسنفاز تونسى ..وايلا وينك ياواحد سورى بطنه تلوى وتوجع فيه اتجيبه وادير معاه لقاء؟؟. شوية شوية اتحطنا من توجيهات الرئيس الحبيب بورقيبة...او مسلسل ام تراكى ناس ملاح. انا مانقصدش ((ام تراكى الهولندى صاحبك..)) امتاع درهات الكبد...تى لالالا ..تى هاداكا واحد ورقة ومتلوللق
ياحسونه راهو موقع ليبيا المستقبل معادش ينشبح من هالخوليطة ايلى امدايرها وقعد مهزلة..خليك كيف اول مافتحته.. يعنى اشقا بليبيا والليبيين ومصيبتهم قبل.. وفكك من حفر صاحبك السم ...ومهاميز السوء.. راهو الجماعة يبو يمشوك فى داهية انت.. وموقعك
افطن لروحك
وبعدين شنو دوة معادش اتسبوا الاخ قائد الثورة ايلى طالعنا فيها هالايام هذه؟؟ شنو طقوا فيك الجماعة وبدوا يغيرولك فى مخك وايلا كيف الدوة ياحسن؟؟..هذا مامازال والله تبينا مانسبوش القذافى..حلوة هذه
وبعدين بصراحة ياحسن انت اتقول فى كلام وبعدين تبلعه تانى يوم .. يعنى ماتبيناش انسبوا الاخ العقيد وفى نفس الوقت امنزللى مقال فى ليبيا المستقبل لكاتب تزيرى اسمه يحيى ابوزكريا فيه اكلام شوارعى وسبان فى الحكام وهذه مقتطفات منه :
ترى ماذا يفعل حكامنا ابناء العهر والزنا ومحبى الغلمان والفتيات الصغيرات عندما يذهبون الى واشنطن...؟؟؟
ماذا نفعل بالحكام ابناء الزنا هؤلاء الذين ثلثهم بغال والثلث الثانى لوطى يهرول وراء الفتيان وماتبقى عنين وكلب وزنديق وخسيس ومنكوح..؟؟؟
يجب علينا ومن الان فصاعدا ان نقول فخامة الكلب وجناب الحمار لذى يلوط به جورج بوش..؟؟؟
توا ياحسن انت هكى جبت الشبهة لروحك ؟؟ يعنى انت ماعندكش مانع ينسبوا الحكام العرب لكن الاخ القائد مصلح جيوب الاصلاحيين...ماترضاش فيه شكة دبوس وادافع عليه فى البال توك بكل جهدك .. وبالشوية بالشوية يتحول موقع ليبيا المستقبل من موقع معارض للقذافى الى موقع لحل الكلمات المتقاطعة ...فرع مصراته وداخل الجماهيرية
اسمعنى جاى ياحسن
الوسخ والحقير القذافى ايلى ادافع عليه وخايف عليه من سب الليبيين ليه راهو هو ايلى قتل اولادهم وشردهم وشنقهم فى الشوارع وهو ايلى سب الرسول وسفه الذات الالهية ويقول علينا كلاب ضالة ياحسن
فالله يربحك اركح وريض.. وفكنا من درهات الكبد والحركات امتاعك.. وخليك طيب
وحاضر معادش انسبوا القائد الاممى
ينعن ينعن ينعن وينعن القذافى وفيته واليوم ايلى جى فيه لليبيا هى خوذها منى بالفقوشى هكى
بالك بتقول حاجة ياحسن...نسحابك
قالك ماتسبوش القايد باش ماتفسدوش عليا البرنامج ايلى انخمم فيه ومطيرللى النوم؟؟؟؟

*   *   *

الى المسيو الهادى شلوف
ذكرتنى بواحد تونسى سألوه عن رايه وهو طالع من السينما بعد ماشاف فيلم الرسالة لمصطفى العقاد فرد التونسى وقال يظهرلى ان المسيو محمد كان على حق.... اللهم ماصلى وسلم وبارك عليه
ياشلوف انت طايرة منك بريمة ... فان شاء الله ان شاء الله ..بعد ماينتلف القذافى سوف تعود الى الزنتان ويركبولك بريمتك وتنقنط وتنشحط. ويديرولك لافاتجوا امليح.... وحالك يتصلح... وتبقا عال العال
اه عفوا انى نسيت.... الموححححححححامى الهادى شلوف

*   *   *

الى الاسطى ابوفايد
بالله لما تكمل وتطلع من الكنيف سكر وراك الباب ؟ ..على خاطر الصنة
وماتنساش ترفع اعماك للجماهيرية الاتى
شياتة زواق
بالة
برويطة..ذات دفع رباعى
خمسة شكاير سمينتو وملعقة
خباشة ومحشة
بومبة ايلى يسرحوا بيها فى الخرارات
فرنيللو وبراد شاهى
جلم للاستعمال الشخصى ...وللخرفان..
قونبالى وموكنسة وسطل حديد وعلبة فليت بيف باف
ومتنساش بالله تتسلف من عند المجرم سعيد راشد خيشة ....خيشة باش تمسح بيها كل التبهبير والنداءات ايلى اطلقتها عبر النت.... ياكذاب
ماصح والله وجهك

*   *   *

الى خويجه
تربحى.. خففى على راجلك (الخطاط) اشوية راهو راجلك يبى يطربق وماعادش يقدر يتحمل العبودية ايلى عايشها فى الحوش... وهذا اعلاش فاش غله فى العباد...احنى عارفين ان راجلك مايقدرش يتنفس قدامك وانتى حاطاته خاتم فى صبعك ومايقدرش يطلع من الحوش الا باشارة منك ..(باشارة منك ياغالى نطلع من حوشى بقونبالى) وامدايرتيلة جدول باش يقدر يخش للبال توك ويخش لموقعه (ليبيا الهضبة طول).. ويغسل فى الاماعين ويسيق ويطلع فى الكناسة ويفصص فى البازيليا ويقشر فى الكوسة (هذا ماكان يدير للمجرم كوسة لما كانوا عايشيين مع بعضهم فى فى غرفة وحدة ايامات الدراسة بامريكا).. وعارفين انك شارطة عليه يوصل عزايز الجيران والجالية فى الاعراس وللمطار لما يروحوا للجماهيرية ويطبس ويقيميلهم فى البخش والصرر والفاليتجات.. على اسبلطة ومعاها زيطة
تتفكرى زمان لما راجلك كان يوقف تحت حوشكم فى كل قايلة ويقول ويردد لساعات: متى عينى تراكم..؟
وبعدين حوشكم فدوا منه ولوحوا على راسه سطل معبى فرت... وتانى يوم جى بكل برادة وصحة وجه ووقف وقعد يقول: متى يكثر خراكم
وبعدين ماليقتى ايلا هالكناسة هذا تاخذيه؟؟ راك انتى بنت عيلة متسمية وبنت ناس معروفين فى البلاد...لكن الله غالب هذا نصيبك وربى يعينك عليه
ياوخيتى ياوخيتى تعرفيييييييي..امغير كانا اتشوفى راجلك شنو امداير بره..؟؟
مولى رئيس عصابة القط الاسود ..ويتنطط من دار لدار فى البال توك وطايح فيها تليفونات
لامخلى حبه الاول والاخير موسى كوسا.. ولاامخلى فروخ القذافى... ولامخلى بوزيد دورده مامخلى حد ايلا ويلققله.. ولاصق فيه زى الشيروطو
قالوا حتى لما ياكل وذانه يدير فيهم زى الرادار..باش يقدر يسمع البالتوك.. ويعلى فيه على الاخر لما يخش للحمام بس بصراحة الشعب يطالب ويبى يعرف اعلاش راجلك فى الفترة الاخيرة ركبوه العفاريت.. واعلاش بدا يوج ويلهوت.. وقلب موقعه الى موقع اطفال وبدا يحط فى الالوان الطرطارية والبودرية والباصمة.... تى احنى اسمعنا ان راجلك بدا ينوض فى عقابات الليل ويبدا يصيح ويعيط ويقول داحس..الغبراء..البسوس ..لافاندينو... وااااااااااك.. اعليا اتخدت ياخويجة.. وطاحت بندارتك
لكن تبى الحاق يابنت عمى.. انزلى على دينمه واحرثى عليه وخلى يسقى الجنان فى انفاصات الليل ..هذا ماينفعش بيه ايلا العين الحمراء وعصاة الرشدة
راهو راجلك الاسبوع ايلى فات سكر سكرة قوية فى حوش واحد صومالى وبعد ماكمل الشويشة كسرها وبدا ياكل فى المرش وقعد يقول انى مش راجل انى يقولوا عليا كتكوت
خويجة ... خويجة ...خويجة يدور فى البيلة...خويجة...؟
التوقيع
ابن عمك و. ميزران

*   *   *

الى رامبو ليبيا : عـيسى عـبدالقيوم
ايش حالك ..ياك طيب.. وايش حال الكاميرا اعماك ...وايش داير صاحبك امبيرش...وايش حال نادى البارونى الاخضر للرياضة الجماهيرية فرع مانشستر المركز
ياعوعو ايلى يحط روحة فى النخالة يبربشوه الدجاج ومهما تحاول تنظف روحك او تلمع صورتك امام الليبيين فراهو صقع عليك.. وايش حالك ياك طيب
الشعب الليبى لن يغفر لاى واحد حط يديه مع المجرمين والقتلة المسخين
خطرها ياوله ياعيسى انت كنك بديت توج واتقول طووووووووووووووووووط فى مقالاتك؟؟ مش عيب هكى ياعيسى ... العويلة راهو بس يقولوا فيها.....تعرف انت بديت زى واحد ممثل كان يمثل مع غوار الطوشى وكان ياخذ فى دور واحد هبل وخرياط لو تتذكر فيه... وكان طول الوقت يتخيل فى نفسه يسوق فى تاكسى ويغير فى المارشة بيديه ويقول:
طوط..طوط ...ويضحك ..ولما يبى يطلع الكلمة يخبطوله على راسه
ياعيسى انى عندى ليك فكرة سمحة
انت اعلاش المرة الجاية ماديرش ندوة او لقاء مع الفنانة (هيفاء وهبى) وتطلب منها اتغنيلك اغنية الواوا.؟؟؟....تى خيرك ياعيسى بديت اتطلع فى لسانك زى الجرانة
عجباتك هذه ياتمساح ..اه

*   *   *

الى نعـمان بن عـثمان
احممممممد

*   *   *

الى حزب البعـث فرع ليبيا المركز
السلام عليكم؟؟؟؟ تى قولنا السلام عليكم؟؟؟؟ تى وينهم الجماعة؟؟؟...شورا ماهناك حد وايلا كيف؟؟
تى خيرها الدنيا امظلمة عندهم.. بسم الله الكريم ؟؟؟ يابن سريتى اين انت ايها الرفيق؟؟ تى وينك ياكوتوموتو؟؟؟
لبنان يناديكم؟؟ اين جيش المليون مقاتل؟؟؟؟
برزان التكريتى يسلم عليك ويقولك بالله ابعتلى اربعة كانيتيرات وخمسة فراعى وستة شخاشير على خاطر الشتاء قرب ومتنساش تخصمها من العهدة
اووووووووو.. اسف اسف اسف....مش قصدى والله يابن سريتى ويالملوم ويا عثمان العالم.... الظاهر انى نوضتكم من النوم وخربت عليكم حلمة الرفيق ميشيل عفلق ايلى قاعد يقلى فى جهنم الحمراء ومدايراته الشياطين شاورما وهمبورجا.....كنتاكى تشكن ياشيخ
بونا بيتيت
هيا تصبحوا على خير وعودوا الى الظلام..... سويت دريم

*   *   *

الى بويصير
يابويصير اسمع اسمع هذه
ماما زمانها جايه جايه بعد اشويه.. جايبه لعب وحاجات ... واك واك
ماما بتقولك ارجع يا مدهول على عينك قبل قزازة الحليب ما بتبرد.

*   *   *

وتوا بالله شنو جوكم كلكم......؟؟؟؟

ولد ميزران


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home