Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

زيـف يقول والمكتـوم يفعـل

كل يوم وثانيك نسمعوا او نقروا زيف الاسلام قال زيف الاسلام صرّح زيف الاسلام زكّر وعود كاذبة بتغييرات اقتصادية وسياسية لا نرى لها اثرا على ارض الواقع في ليبيا وعود فقط لشراء الوقت وتغيير صورة قبيحة لنظام كريه يظن انه ممكن ان يخدع العالم بتغيير ملابسه وارتداء اثواب افريقية براقة. يا سبف يا بابا ممكن تكذب على العالم كله لكن الشعب الليبي عايش الواقع المرير وعارف الجو.

سيف مقمعز كل يوم يصرح لوكالات الانباء ويحضر دافوس وغيره، ومحمد المكتوم لا يصرح لا يحضر منتديات دافوس، المكتوم يفعل يا سيف شوف واقرأ هذين المقالين من صحيفة الغارديان :

http://business.guardian.co.uk/story/0,,1708395,00.html

http://business.guardian.co.uk/story/0,,1709072,00.html

المقال الاول يقرر" ان دبي تنمو اسرع من اي مدينة اخرى على الارض". والمقال الثاني يحكي قصة نجاح دبي في شراء احدى كبرى شركات النقل البحري, بينما ليبيا حلت شركة النقل البحري واضحى موظفوها شحاتين.

امس قرات في موقع اخبار ليبيا قالوا شكري غانم يقيم موقع رئاسة الوزراء بعد 6 اشهر من انطلاقته، سبحان الله يعني شكري خلّص كل شئ وقيّم اعمال جميع الوزارات وجميع المشاريع فلم يعد لديه شيئا اخر الا تقييم موقع عمره عمر دجاجة بيضة. يا "راجل" البلاد كلها خاربة يعني الموقع بس اللي يبي تقييم. نقّد على وجهك واستح اذا عندك بقية من دم او ضمير!! التريس اللي عندهم غيرة على بلادهم وعندهم ضمير امس شروا احدى اكبر شركات النقل البحري ارجع للمقالين اعلاه يا شكري طماطم.

يا شكري الناس ترقى السلم درجة درجة يعني قبل يكون عندك موقع على النت ويراسلوك الناس على الايميل مفروض يكون عندك بريد عادي كيف العالم والناس، بريد يوصّل الرسائل من مدينة ليبية الى اخرى في خلال يومين على الاكثر... بالله جرب تبعث رسالة داخل ليبيا وشوف متى تصل اذا وصلت؟؟!!

متربص


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home